सपनानं 'स्वप्नातही' विचार केला नसेल असं काही होईल!

भारतात सोशल मीडियावर सर्वाधिक चाहतावर्ग असणाऱ्या सेलिब्रेटींमध्ये कुणाचे नाव आघाडीवर आहे असे विचारताच त्यात बिनदिक्कतपणे सपना चौधरीचे नाव घ्यावं लागेल.

हरियाणातील सपनानं आपल्या डान्सनं अनेकांना प्रभावित केलं आहे. सोशल मीडियावरील सर्वाधिक मानधन घेणारी अभिनेत्री म्हणून तिचं नाव नेहमीच चर्चेत असतं.

आता सपनाच्या अडचणीत वाढ झाली आहे. त्याचं कारण म्हणजे तिच्याविरोधात अटक वॉरंट निघाला आहे. त्यामुळे सपना वादात अडकली आहे.

सपनानं स्वप्नातही असा कधी विचार केला नसेल की तिच्या बाबत असं काही होईल. अशा प्रकारच्या प्रतिक्रिया तिला नेटकऱ्यांनी दिल्या आहेत.

उत्तरप्रदेश, हरियाणा, बिहार या भागात सपना चौधरीचे चाहते मोठ्या प्रमाणात आहे. तिच्या डान्स शो ला तर हजारोंच्या संख्येनं गर्दी करतात. उत्तर भारतात ती एक मोठी सेलिब्रेटी आहे.

लखनऊमध्ये एका डान्स शो ची तिकीटं विक्री झाल्यानंतर तो शो ने केल्यामुळे सपनाविरोधात एकानं तक्रार दाखल केली होती. प्रेक्षकांचे पैसे हडपल्याचा तिच्यावर आरोप करण्यात आला आहे.

कदाचित सपनाला आता 30 ऑगस्टपर्यत अटक करुन न्यायालयात हजर करण्याचे आदेश देण्यात आले आहे. सपनावर पोलिसांची करडी नजर आहे.

सपनाच्या त्या कार्यक्रमासाठी लोकांनी तीनशे रुपयांचे तिकिट काढले होते. हजारो तिकीटांची विक्रीही झाली होती. मात्र सपनानं ऐनवेळी त्या कार्यक्रमात सहभागी न होण्याचा निर्णय घेतला.