बिग बीं च्या नातवाचा चित्रपट अन् रेखाजींची एंट्री!

झोया अख्तर दिग्दर्शित द आर्चीज नावाचा चित्रपट नेटफ्लिक्सवर उद्या प्रदर्शित होणार आहे. त्याची सध्या जोरदार चर्चा आहे.

द आर्चीजच्या निमित्तानं बॉलीवूडमधील अनेक स्टार किडचं डेब्यू होणार आहे.

किंग खानची लाडकी सुहाना, बिग बी अमिताभ यांचे नातू अगस्त्य नंदा, बोनी कपूर श्रीदेवी यांची मुलगी खुशी कपुर हे त्यात चमकणार आहे.

या चित्रपटाच्या स्क्रिनिंगला प्रसिद्ध अभिनेत्री रेखा यांची उपस्थिती चर्चेत आली आहे. त्याचा व्हिडिओ व्हायरल झाला आहे.

रेखाजींच्या उपस्थितीनं सोशल मीडियावर वेगळ्याच चर्चेला उधाण आले आहे.

आपल्या अभिनय आणि सौंदर्यासाठी ओळखल्या जाणाऱ्या अभिनेत्रींमध्ये रेखाजींचे नाव घेतले जाते.

गेल्या चार दशकांहून अधिक काळ रेखाजींनी त्यांच्या अभिनयाची छाप प्रेक्षकांच्या मनावर उमटवली आहे.

आता रेखाजींच्या त्या व्हिडिओनं प्रेक्षकांना जिंकून घेतलं आहे.

वेगवेगळ्या कारणांसाठी चर्चेत राहणे आणि प्रेक्षकांचे लक्ष वेधून घेणं यामुळे रेखाजी नेहमीच लाईमलाईटमध्ये असतात.

यापूर्वी अंबानींच्या एका पार्टीमध्ये रेखाजी दिसून आल्या होत्या. त्यातील त्यांच्या फोटोनं चाहत्यांच्या प्रतिक्रियांना उधाण आले होते.