लाल सफरचंदापेक्षा फायदेशीर आहे हिरवे सफरचंद, जाणून घ्या फायदे

हिरवे सफरचंद

आजकाल मार्केटमध्ये लाल सफरचंदाप्रमाणे हिरवे सफरचंद ही मिळते. लाल सफरचंदाप्रमाणे या हिरव्या सफरचंदाचे आरोग्याला अनेक फायदे आहेत.

पौष्टिक गुणधर्म

हिरव्या सफरचंदामध्ये पौष्टिक गुणधर्म मोठ्या प्रमाणात आढळून येतात. त्यामुळे, या सफरचंदाचे सेवन करणे हे आपल्या आरोग्यासाठी अतिशय फायेशीर आहे.

हृदयासाठी फायदेशीर

काही संशोधनांमध्ये असे आढळून आले आहे की, जे लोक नियमितपणे हिरव्या सफरचंदाचे सेवन करतात, त्यांच्यात हृदयविकाराच्या लक्षणांचे कमी प्रमाण आढळून आले आहे.

वजन नियंत्रणात राहते

हिरव्या सफरचंदाचे सेवन केल्यानंतर बराच काळ आपले पोट भरलेले राहते. शिवाय, फार काळ भूक लागत नाही. त्यामुळे, वजन नियंत्रणात राहण्यास मदत होते.

मधुमेहाचा धोका कमी होतो

जे लोक नियमितपणे हिरव्या सफरचंदाचे सेवन करतात, त्यांना 'टाइप २' मधुमेहाचा धोका कमी असल्याचे आढळून आले आहे. 

कॅन्सरपासून बचाव होतो

काही शास्त्रज्ञांच्या मते हिरव्या सफरचंदात आढळणारे अँटीऑक्सिडंट्स आणि त्यातील अँटी-इंफ्लेमेंटरी गुणधर्म कॅन्सरपासून बचाव करण्यासाठी अतिशय उपयुक्त ठरतात.

डोळ्यांसाठी फायदेशीर

हिरव्या सफरचंदामध्ये लाल सफरचंदापेक्षा जास्त प्रमाणात 'व्हिटॅमिन ए' आढळून येते. हे व्हिटॅमिन ए डोळ्यांच्या आरोग्यासाठी खूप फायदेशीर आहे. 

चेहऱ्यावर हवा आहे गुलाबी ग्लो?मग, सफरचंदापासून बनवा 'हे' फेसपॅक्स