Monika Lonkar –Kumbhar
वय जसे वाढत जाते, तसे शरीरातील हाडे कमजोर होऊ लागतात. हाडे कमजोर झाली की सांध्यामध्ये वेदना होणे, सांधेदुखी होणे इत्यादी अनेक समस्या निर्माण होतात.
हाडांच्या बळकटीसाठी आणि सुदृढ आरोग्यासाठी संतुलित आहार घेणे अतिशय महत्वाचे आहे.
आहारात भरपूर व्हिटॅमिन्स, मिनरल्स, कॅल्शिअम आणि प्रोटिन्सने युक्त असलेल्या खाद्यपदार्थांचा समावेश असणे फायदेशीर आहे. यामुळे, एकूणच आपले आरोग्य निरोगी राहण्यासाठी मदत होते आणि हाडांना देखील बळकटी मिळते.
हाडांच्या बळकटीसाठी आणि शरीर निरोगी ठेवण्यासाठी कॅल्शिअमचा आहारात समावेश असणे हे अतिशय महत्वाचे आहे. कॅल्शिअममुळे हाडांना बळकटी मिळते आणि योग्य पोषण मिळते.
कॅल्शिअमयुक्त खाद्यपदार्थ जसे की, दूध, दही, डेअरी प्रॉडक्ट्स, बदाम, ब्रोकोली, केळी आणि सोया उत्पादने इत्यादी खाद्यपदार्थांचा आहारात समावेश करा.
जर तुम्हाला मजबूत हाडे हवी असतील तर प्रथिनांनी समृद्ध असलेल्या खाद्यपदार्थांचा आहारात समावेश असणे हे फार महत्वाचे आहे. आपल्या शरीरातील ५०% हाडे ही प्रथिनांनी बनलेली असतात. हे आपण विसरता कामा नये.
प्रथिनांनी युक्त असलेला राजमा, दूध, हरभरा, मांस, मासे, कडधान्ये, अंडी, वाटाणा, पालक, मशरूम इत्यादी खाद्यपदार्थांचा आहारात समावेश करा.
व्हिटॅमिन डी हे आपल्या आरोग्यासाठी आणि हाडांच्या बळकटीसाठी अतिशय फायदेशीर आहे. व्हिटॅमीन डी ने युक्त असलेले खाद्यपदार्थ जसे की, मासे, अंडी, मशरूम, सोया मिल्क, चीज इत्यादी पदार्थांचा आहारात नक्की समावेश करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.