कॉलेस्ट्रॉलची पातळी कमी करण्यासाठी फायदेशीर आहेत ‘या’ डाळी, आजच करा आहारात समावेश

कॉलेस्ट्रॉल

सध्याचे धावपळीचे जीवन, बिघडलेली जीवनशैली, अयोग्य आहार आणि व्यायामाचा अभाव इत्यादी गोष्टींमुळे आरोग्याच्या समस्या निर्माण होतात. आजकाल कॉलेस्ट्रॉलची पातळी वाढण्याचे प्रमाण वाढले आहे.

कॉलेस्ट्रॉल वाढणे हे आरोग्यासाठी धोक्याची घंटा आहे. कारण, यामुळे, तुम्हाला हृदयविकार संभावण्याचा धोका असू शकतो.

डाळी

ही वाढलेली कॉलेस्ट्रॉलची पातळी कमी करण्यासाठी लोक विविध प्रकारचे डाइट प्लॅन्स फॉलो करतात. मात्र, आपल्या भारतीय आहाराचा अविभाज्य भाग असलेल्या डाळी यामध्ये तुम्हाला मदत करू शकतात.

मसूर डाळ

मसूर डाळीमध्ये प्रथिने, कॅल्शिअम आणि प्रतिजैविक गुणधर्मांचा समावेश मोठ्या प्रमाणात आढळून येतो. आपल्या शरीराची रोगप्रतिकारक शक्ती मजबूत करण्यासाठी मसूर डाळ मदत करते.

पचनक्षमता

मसूर डाळीचे सेवन केल्याने पचनक्रिया मजबूत होते. मसूर डाळीमध्ये आढळणारे एन्झाइम्स आपल्या शरीरातील खराब कॉलेस्ट्रॉलची पातळी कमी करून चांगले कॉलेस्ट्रॉल वाढवण्यास मदत करतात. त्यामुळे, तुमच्या आहारात मसूर डाळीचा जरूर समावेश करा.

हरभरा डाळ

अनेक खाद्यपदार्थांमध्ये वापरल्या जाणाऱ्या हरभरा डाळीमध्ये पोटॅशिअमचे मुबलक प्रमाण आढळून येते. या डाळीमुळे रक्तातील साखरेची पातळी नियंत्रित राहण्यास मदत होते. ज्यामुळे, हृदयाशी संबंधित समस्यांचा धोका कमी होतो.

मूग डाळ

वनस्पती आधारित प्रथिनांचा समृद्ध स्त्रोत म्हणून मूग डाळीला ओळखले जाते. या डाळीमध्ये मोठ्या प्रमाणात पोषकघटकांचा समावेश आढळून येतो. त्यामुळे, या डाळीचे सेवन केल्याने शरीरातील कॉलेस्ट्रॉलची पातळी नियंत्रित ठेवण्यास मदत होते. 

मराठमोळ्या अभिनेत्रींचे गाजलेले मकर संक्रांती स्पेशल लूक, एकदा बघाच..!