ब्रेकफास्ट, लंच व डिनरमध्ये तुम्ही खाताय विष, कॅन्सर-हृदयविकाराचा वाढेल धोका

आताच्या धावपळीच्या युगात सर्वजण आपल्या आरोग्याकडे दुर्लक्षच करतात. आरोग्यवर्धक पदार्थांऐवजी बहुतांश लोक फास्ट फुडचे अधिक सेवन करताहेत.

ताजे व आरोग्यवर्धक पदार्थ खाण्यासाठी वेळच नसल्याने ही मंडळी हॉटेल, फुड स्टॉलवरील खाद्यपदार्थांचे सेवन करतात. 

जंक फूडमध्ये आरोग्यास अपायकारक असणाऱ्या कित्येक घटकांचा समावेश असतो. ज्यामुळे विषबाधा होण्याची शक्यता असते.

आपण अशा 4 खाद्यपदार्थांची माहिती जाणून घेणार आहोत.ज्यांचा जवळपास प्रत्येक पदार्थांमध्ये समावेश केला जातो. गंभीर बाब म्हणजे हे पदार्थ आरोग्याकरिता घातक असतात.

मैद्याचे पदार्थ शरीरास अपायकारक असतात. यामुळे शरीरातील साखरेची पातळी वाढण्याची शक्यता असते. लठ्ठपणा व रक्तदाब यासारख्या समस्याही निर्माण होऊ शकतात.

बिस्किट, सामोसे आणि केक यासारख्या पदार्थांमध्येही मैद्याचा समावेश असतो. 

रिफाइंड ऑईलमध्ये तळलेले पदार्थही आरोग्यासाठी चांगले नसतात.  

या तेलामध्ये ट्रान्स आणि सॅच्युरेडेट फॅट्सचा समावेश असतो. यामुळे आरोग्यास कित्येक अपाय होतात.

वेफर, शेव, ब्रेड आणि हवाबंद डब्यातील सूप यासारखे पदार्थही शरीरासाठी अतिशय हानिकारक असतात.

मिठाप्रमाणेच आहारात साखरेचाही अतिप्रमाणात वापर केल्यासही आरोग्याचे नुकसान होऊ शकते. मधुमेह, हृदयरोग, कोलेस्ट्रॉल, त्वचेच्या समस्या, फॅटी लिव्हर, लठ्ठपणा यासारख्या आजारांना साखरेच्या अतिरिक्त सेवनामुळे आयते निमंत्रण मिळते.