Sudesh
चांगली आणि शांत झोप आपल्या मानसिक आणि शारीरिक आरोग्यासाठी गरजेची असते. यामुळे पचन संस्था, रोगप्रतिकारक शक्ती मजबूत होते. तसेच तणाव दूर होतो.
उन्हाळ्यात उकाड्यामुळे रात्री झोप येण्यास बऱ्याच अडचणी येतात. त्यामुळेच आम्ही तुम्हाला काही टिप्स सांगणार आहोत, ज्यामुळे तुमची झोप पूर्ण होईल.
झोपण्यापूर्वी एक ग्लास गरम दूध पिणे फायद्याचे ठरते. दररोज याची सवय लावल्याने तुमची झोप सुधारते.
झोपण्यापूर्वी डोक्याला तेल लाऊन मसाज केल्याने देखील फायदा होतो. यामुळे डोकं शांत होऊन छान झोप लागते.
झोपण्यापूर्वी गरम पाण्याने अंघोळ केल्यामुळे रिलॅक्स वाटतं. तणाव दूर झाल्यामुळे चांगली झोप येते.
तुम्हाला रात्री झोप येत नसल्यास दुपारी वामकुक्षी घेण्याचा प्रयत्न करा. अशाने आठ तास झोपेची तुमची गरज पूर्ण होईल.
जेवल्यानंतर लगेच झोपणे टाळा. झोपेची वेळ आणि डिनर यामध्ये दोन ते तीन तासांचे अंतर ठेवा. यामुळे फायदा होईल.
झोपण्यापूर्वी तंबाखू-सिगारेट, कॉफी किंवा दारू अशा नशेच्या पदार्थांचे सेवन करणे टाळा. या पदार्थांमुळे तुमची झोप डिस्टर्ब होते.
झोपण्यापूर्वी स्मार्टफोनचा वापर करणए टाळा. यामुळे निद्रानाश होऊन डोळ्यांवर देखील विपरीत परिणाम होण्याचा धोका असतो.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.