केळीच्या पानात का जेवायचं? काय आहेत याचे फायदे?

केळीच्या पानावर जेवायची पद्धत का आहे त्याचे फायदे काय आहेत हे अनेकांना माहित नाही. केळीच्या पानामध्ये पॉलिफेनॉल, व्हिटॅमिन ए आणि व्हिटॅमिन सी असे अनेक आवश्यक पोषक घटक असतात. या पानांवर जेवण करणे म्हणजे पौष्टिक खाण्यासारखं आहे.

केळीच्या पानावर जेवण केल्यावर अन्नाची चव चांगली लागते. अन्नाला हलकी पानाची चव, हलकी मातीची चव असली की अन्न चविष्ट लागतं. केळीच्या पानावर जेवण करण्याचं हे सुद्धा एक कारण आहे.

आपण बाहेर जेवायला गेलो, पंगतीत जेवत असलो की प्लास्टिक, थर्माकॉल अशा प्रकारच्या प्लेट्स मध्ये आपण जेवत असतो. या प्रकारच्या डिश विषारी असतात.

आपण ज्या भांड्यात खातो त्याचे कण अन्नात मिक्स होतात हे आरोग्यासाठी धोकादायक आहे. त्या ऐवजी केळीच्या पानात खाल्लं की अशा प्रकारचा धोका उद्भवत नाही. कॅन्सरचा धोका टळतो.

केळीच्या पानावर अन्न खाल्ल्याने पचनक्रिया चांगली होते. केळीच्या पानांत पॉलिफेनॉल असतं हे पचनासाठी चांगले असते. पोटाचे आरोग्य, पचनक्रिया सुरळीत ठेवायचं असेल तर केळीच्या पानांवर जेवण करा.

त्वचेवर पुरळ, डाग, मुरूम असतील तर केळीच्या पानावर खोबरेल तेल टाकून हे पान त्वचेवर लावल्यास त्वचेचे आजार लवकर ठीक होतात.

केळीच्या पानांवर जेवण केल्यास डाग-खाज, पुरळ-फोडं अशा समस्या दूर होतात.

केळीच्या पानामध्ये अधिक प्रमाणात एपिगालोकेटचीन गलेट आणि इजीसीजी सारखे पॉलीफिनोल्स एंटीऑक्सीडेंट आढळतात.