आपल्यापैकी बहुतेकांना दिवसाची सुरुवात चहा, कॉफीने केल्याशिवाय दिवस पूर्ण झाल्यासारखा वाटतच नाही.
शिवाय यामुळे पिंपल्सवर पण काही परिणाम होतो का असा प्रश्न असतोच.
कॉफीमध्ये कॅफेनचे प्रमाण जास्त असते. त्यामुळे त्याचं जास्त सेवन करणं अपायकारक ठरू शकतं.
आपण जे काही खातो किंवा पितो त्याचा परिणाम आपल्या त्वचेवर होतो. जास्तप्रमाणात कॅफेन घेतल्याने त्याचा त्वचेवर परिणाम होऊ शकतो.
एका अभ्यासानुसार कॉफीने मेटाबोलिझम वाढते पण त्याच्या जास्त सेवनाने त्वचेवर वाईट परिणाम होऊ शकतो.
त्यांमुळे त्वचेवर मुरुम आणि पुटकुळ्या दिसू लागतात आणि त्वचेचा टोन खराब होतो.
एक कप चहामध्ये २५ ते १०० मिलीग्रॅम कॅफेन असते. तर एक कप कॉफीमध्ये ६० ते २०० मिलिग्रॅम कॅफेन असते. त्यामुळे दोन कपपेक्षा जास्त सेवन केल्याने त्वचेला हानी पोहचू शकते.
कॅफेनचे जास्त प्रमाणात सेवन केल्याने निद्रानाश, ताणाव, उच्च रक्तदाब, लठ्ठपणा, अपचन अशा समस्या उद्भवू शकतात.
जर तुम्हाला आधीच मुरुम पुरळांची समस्या असेल तर तुम्ही चहा कॉफीचे सेवन कमी करायला हवे.
जर तुम्हाला दीर्घकाळ तरुण दिसायचं असेल तर दिवसातून फक्त २ वेळाच चहा किंवा कॉफी प्यावी.