जर मुलाच्या डोळ्यात काही पडले असेल तर हळूवारपणे डोळे स्वच्छ पाण्यात वारंवार उघडा आणि बंद करा.
पोष्टिक आहार द्या - पालेभाज्या आणि फळे हे डोळे निरोगी ठेवण्यासाठी उत्तम मानली जातात. जर मुलांचे डोळे कमजोर झाले असतील तर त्यांच्या आहारात पौष्टिक अन्नाचा समावेश वाढवा.
हिरव्या भाज्या, गाजर, बटाटा आणि भोपळा भरपूर खा, त्यामध्ये असलेले जीवनसत्त्वे डोळ्यांची समस्या दूर करण्यासह त्यांना निरोगी ठेवण्यास मदत करतात.
स्क्रिन टाईम कमी करा - जर मुलांचे डोळे आधीच कमकुवत असतील तर मुलांनी त्यांचा स्क्रिन टाईम कमी करणे खूप महत्वाचे आहे. सध्या सुरु असलेल्या ऑनलाईन क्लासेस दरम्यान मुलांना ब्रेक घेण्यास सांगा.
बरेच मुले ही त्यांच्या पालकांचा चष्मा घालतात, यामुळे त्यांचे डोळे खराब होऊ शकतात. तसेच मुले किती वेळ मोबाईल किंवा टिव्ही पाहातात याकडे लक्ष ठेवा.
चष्मा नियमीत वापरा- मुलांना आधीच चष्मा असल्यास, त्यांना तो नियमितपणे वापरण्याचा सल्ला द्या. चष्मा वापरणे हे खूप महत्वाचे आहे जेणेकरून काम करताना किंवा स्क्रिनपुढे बसून देखील डोळ्यांना ताण येणार नाही.
मुलांना मैदानात खेळू द्या - आजकाल मुले मैदानी खेळ खेळणे विसरुन जात आहेत. बऱ्याचदा व्हिडिओ गेम किंवा मोबाइल गेम खेळण्यातच मुले दिवस घालवतात.
यामुळे मुलांची दृष्टी आणखी क्षीण होऊ शकते. त्यामुळे मुलांना घराच्या बाहेर किंवा घराच्या छतावर किमान दररोज दोन तास खेळू द्या. ते त्यांच्या शारीरिक आणि मानसिक आरोग्यासाठी आवश्यक आहे.