सकाळ डिजिटल टीम
खान्देश स्पेशल मांडे म्हणजे पुरणपोळीच. त्यासाठी पिठ सैलसर मळून २० मिनीटं मुरू द्यावं. हरभऱ्याची डाळ शिजवून घेऊन पाणी काढून टाकावं.
डाळीत गुळ घालून शिजवून घ्यावी. पुरण यंत्रातून अगदी चिकण वाटून घ्यावी. त्यात जायफळ, वेलची पूड घालून थंड होऊ द्यावं.
पुरण पोळी सारखी पुरण भरून कणकेच्या गोळा घ्यावा. त्याला हलकेच लाटून मोठा करावा.
ही पोळी लाटून नाही तर हातावर आणि कोपऱ्याच्या सहाय्याने मोठी करतात. सरावाने जमू शकते.
पोळी तव्यावर न भाजता खापरावर, मडक्यावर किंवा अगदी कढईच्या मागच्या भागावर भाजता येईल.
खान्देशी पुरणपोळी तव्यावर न भाजता चुलीवरच्या खापरावर भाजली जाते ही त्याची खासियत आहे.
एक बाजू भाजून झाल्यावर दुसरी बाजू अलगतपणे भाजावी. साजूक तूप घालून पुरण पोळी खावी.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.