‘मिस कलरफूल’ या नावाने ओळखली जाणारी मराठी चित्रपटसृष्टीतील दिलखुलास अभिनेत्री म्हणजे पूजा सावंत
तिचा सहजसुंदर अभिनय, दिलखुलास व्यक्तिमत्व आणि मनमोहक नृत्य यामुळे तिने चाहत्यांच्या मनात खास जागा निर्माण केली आहे.
पूजा नृत्यकलेत किती निपुण आहे याचा प्रत्यय आपण सर्वांनीच घेतला आहे.
छोट्या पडद्यावरील ‘बूगी वूगी’ या डान्स रिआलिटी शोद्वारे आपल्या करिअरची सुरुवात करून पूजाने आज बॉलिवूडपर्यंत मजल मारलीय.
मराठी चित्रपटसृष्टीत तिने अनेक दर्जेदार चित्रपटांमध्ये तिच्या अभिनयाचा ठसा उमटवला आहे.
पूजाने 'बूगी वूगी’ या कार्यक्रमानंतर ‘महाराष्ट्र टाईम्स श्रावणक्वीन’ या सौंदर्यवतींच्या स्पर्धेत सहभाग घेतला होता.
सोशल मीडियावर ती चांगलीच सक्रिय असते. ती सतत तिचे सुंदर फोटो आणि रोजचे अपडेट्स चाहत्यांसोबत शेअर करताना दिसते.
पूजाला तिच्या वडिलांकडूनच अभिनयाचा वारसा मिळाला आहे. कारण, पूजाचे वडील विलास सावंत यांनी 30 वर्षे अभिनय क्षेत्रात काम केले होते.