Aishwarya Musale
पावसाळ्याचा मोसम आता जवळ आला आहे. थोड्याच दिवसांत सगळीकडे थंड वातावरण होईल. सततच्या पावसाने गारवा आला तरी अशा ऋतूत आजारांचा त्रासही वाढतो.
सर्दी, खोकला, व्हायरल, फ्लूच्या त्रासाने अनेक लोक हैराण होतात. आपले आरोग्य चांगले रहावे यासाठी आपण काळजी घेतोच. पण त्यासोबतच केसांचीही काळजी घ्यायला हवी.
पावसाळ्यात केस गळणे आणि तुटण्याची समस्या अधिक वाढते. जर तुम्हीही पावसाळ्यात या समस्येने त्रस्त होत असाल तर काही टिप्सच्या मदतीने तुम्ही तुमचे केस निरोगी ठेवू शकता.
पावसाळ्यात बाहेर किंवा ऑफीसला जाता-येताना तुमचे केस भिजतात व ते अधिक तुटतात. हे टाळायचे असेल तर केस पावसात भिजल्यास घरी आल्यावर लगेच स्वच्छ पाण्याने केस धुवावेत.
नंतर एक कोरडा, शक्य असेल तर सुती पंचा किंवा टॉवेल घेऊन त्याने केस हळूहळू वाळवा आणि थोडा वेळ मोकळे सोडा. केस नैसर्गिकरित्या, वाऱ्यावर वाळवा.
आता खोबरेल तेल किंवा मोहरीचे तेल गरम करून त्यात थोडे लिंबू पिळा. हे तेल केसांना लावून हळूवार हाताने मुळांना मसाज करा.
पावसाळ्यात किंवा कधीही केस धुतल्यानंतर कंडीशनर जरूर लावावे. यामुळे केस हायड्रेटड राहतात. त्यासाठी तुम्ही विविध हेअर मास्कचाही वापर करू शकता.
पावसाळ्यात आठवड्यातून किमान दोनदा कोमट तेलाने केसांना मसाज करा. तुम्ही रात्री झोपण्यापूर्वी देखील केसांना मसाज देखील करू शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.