तुमच्या नेहमीच्या चहामध्ये काही गोष्टींचा समावेश केला तर तो पूर्वीपेक्षा अधिक निरोगी होऊ शकतो.
आल्याचा चहा तुम्हाला सर्दी, खोकला आणि फ्लूची समस्या यापासून टाळण्यास मदत करतो. यामुळे तुमचा चहा केवळ चवदारच नाही तर तो आरोग्यदायीही होतो.
चहामध्ये लोणी टाकणे तुमच्या पचनसंस्थेसाठी टॉनिक म्हणून काम करते. हे पचनसंस्थेला नैसर्गिकरित्या वंगण घालण्याचे आणि बद्धकोष्ठतेपासून आराम देण्याचे काम करतात.
तुळशी हंगामी फ्लू, व्हायरल फ्लू आणि ताप कमी करण्यास आणि प्रतिबंध करण्यास मदत करते. म्हणूनच चहा करताना त्यात तुळशीची पाने टाका.
दूध किंवा साखर न टाकता तुम्ही दालचिनीचा चहा तयार करा. तुम्हाला हवे असल्यास यात तुम्ही थोडा मधही टाकू शकता.
काळा चहा बनवा आणि त्यात थोडा लिंबाचा रस घाला किंवा लिंबाचा तुकडा कापून चहाच्या कपमध्ये घाला. याचे सेवन केल्याने तुम्हाला ताजेतवाने आणि उत्साही वाटेल.
चहामध्ये थोडी बडीशेप टाकून तो उकळवा. यामुळे तुम्हाला पोटदुखीपासून आराम मिळू शकतो. मासिक पाळीच्या क्रॅम्पसाठीही हा एक चांगला नैसर्गिक उपाय आहे.