कुंकूवाचा टिळा माथी लावणं हे दिर्घायु सोबतच प्रतिष्ठेचं प्रतीक मानलं जातं.
हळद आणि कुंकू हे सौख्य- समृध्दीचे प्रतीक मानले जाते त्यामुळे पुजेच्या ताटात कुंकूवासोबत हळद अवश्य ठेवावी.
दिर्घायुष्याच्या प्राप्तीसाठी डोक्यावर अक्षता टाकल्या जातात. अखंड आहेत अशा अक्षता पुजेच्या ताटात असाव्या.
भावाच्या कपाळी कुंकूवाचा टिळा लावल्यानंतर नाण- सोनं- सुपारीने औक्षण करावे.
धन-धान्य समृध्दीचे प्रतीक अन् इडा-पिडा टळावी म्हणून या तिन्ही गोष्टींनी बंधुरायाला ओवाळावे.
ताटात रुपयाचे नाणे, सोन्याचा अलंकार आणि सुपारी ठेवावी.
भावाच्या आयुष्यात सुख-समृद्धी कायम राहावी अशी प्रार्थना बहिण या दिवशी करते यामुळे औक्षणाच्या ताटात श्रीफळ (नारळ) जरुर ठेवावे.
मनगटावर राखी बांधल्याने शरीरातील वात, पित्त आणि कफ हे त्रिदोष शांत होतात असे मानले जाते.
दिव्याला सकारात्मकतेचे प्रतीक मानण्यात येते.
बहिण-भावाच्या नात्यात कटुता निर्माण होऊ नये आणि त्यांच्या नात्याचा गोडवा कायम राहावा यासाठी ताटात मिठाईला महत्व आहे.