कंगनानं धाकड फ्लॉप झाल्याचा मोठा धसका घेतल्यानं आगामी 'तेजस' सिनेमाचं रिलीज पुढे ढकलण्यात आल्याचा मोठा निर्णय घेण्यात आला आहे.
रॉनी स्क्रुवालाच्या प्रॉडक्शन अंतर्गत बनलेला हा सिनेमा आता पुढील वर्षीच प्रदर्शित होणार असल्याचं बोललं जात आहे. सुरुवातीला हा सिनेमा ५ ऑक्टोबर २०२२ रोजी रिलीज होणार होता.
२० मे ला रिलीज झालेल्या कंगनाच्या 'धाकड' सिनेमानं फक्त २.३० करोड रुपयांची कमाई बॉक्स ऑफिसवर केल्याचं बोललं जात आहे. या सिनेमाचं एकूण बजेट ९३ करोड इतकं होतं.
कंगनाचा 'तेजस' सिनेमा बनून तयार आहे. पण याचं VFX संबंधित काम अद्याप पूर्ण झालेलं नाही. पण निर्मात्यांनाही रिलीजची घाई नसल्यानं हे काम थांबवण्यात आलं आहे.
सध्या सिनेमा जानेवारी २०२३ मध्ये प्रदर्शित होणार अशी उडती खबर असली तरी रिलीज डेटविषयी काहीच बातमी समोर आलेली नाही.
गेल्या सात वर्षांपासून कंगना एका हीटची प्रतिक्षा करतेय. बॉक्सऑफिसवर तिच्या एकाही सिनेमानं बजेटसाठी खर्च झालेले पैसेही गेल्या ७ वर्षात कमावून दिलेले नाहीत.
आगामी 'तेजस' बाबतीत कंगनाला कोणतीच रिस्क घ्यायची नाही,त्यामुळे सिनेमाचं प्रदर्शन पुढे ढकलण्यात तिचीही सहमती असल्याचं बोललं जात आहे.