सकाळ डिजिटल टीम
'मिर्झापूर' वेब सिरीजला कोणत्याही परिचयाची गरज नाही. त्यातील कालीन भैया, मुन्ना त्रिपाठी, गुड्डू भैया ही पात्र लोकांच्या मनात घर करून आहेत.
पहिले दोन सिझन सुपर डुपर हिट ठरले असून आता त्याचे चाहते तिसऱ्या सीझनची आतुरतेने वाट पाहत आहेत.
पंकज त्रिपाठी, अली फजल, ईशा तलवार, विक्रांत मॅसी आणि दिव्येंदू शर्मा यांचा 'मिर्झापूर 3' कधी येणार आणि त्याची कथा काय असेल यावर अटकळ सुरू आहे.
आता अभिनेत्री ईशा तलवारने या मालिकेबाबत काही खुलासे केले आहेत. दुसऱ्या भागात ईशा तलवार उर्फ माधुरीने मुन्ना त्रिपाठीच्या पत्नीची भूमिका साकारली होती.
एका मुलाखतीत 'कलिन भैय्या'ची सून आणि मुन्ना त्रिपाठीची पत्नी माधुरीची भूमिका साकारणाऱ्या ईशा तलवारने सांगितले की, ती सध्या मिर्झापूर सीझन-3 चे शूटिंग करत आहे.
तिसर्‍या भागात तीची भूमिका खूप महत्त्वाची भूमिका आहे. दुसऱ्या भागात तिच्या 'माधुरी' या व्यक्तिरेखेच्या भूमिकेचे लोकांनी खूप कौतुक केले.
दुसऱ्या भागाच्या शेवटी, गुड्डू भैया आणि गोलू यांनी मुन्ना भैय्याचे पात्र पूर्ण केले आहे. आता तिसऱ्या सीझनमध्ये 'माधुरी' 'गुड्डू भैया' आणि 'गोलू'कडून 'मुन्ना भैय्या'च्या मृत्यूचा बदला घेणार आहे.
ईशा तलवार उर्फ माधुरीचे पात्र तिचे सासरे पंकज त्रिपाठी (कलिन भैया) सोबत कसे संवाद साधणार हे देखील पाहण्यासारखे असेल.
दिव्येंदू शर्माही 'मिर्झापूर-3'चे शूटिंग करत असल्याची चर्चा आहे.
'मिर्झापूर' च्या पहिल्या भागात दिव्येंदू शर्माच्या पात्राने गुड्डू भैय्याचा भाऊ बबलू आणि त्याच्या पत्नीची हत्या केली होती. अली फजल उर्फ गुड्डू भैयाने 'मिर्झापूर 2' मध्ये त्याचा बदला घेतला.
दुसऱ्या सीझनच्या शेवटच्या भागात, कालीन भैय्या (पंकज त्रिपाठी)चा एकुलता एक मुलगा 'मुन्ना भैया' (दिव्येंदू शर्मा) याची गुड्डू भैय्या (अली फजल)ने हत्या केली होती.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.