बारामती मतदार संघातून राष्ट्रवादीचे नेते अजित पवार 1 लाख 63 हजार 429 मताधिक्यानं विजयी झाले. त्यांनी भाजप उमेदवार गोपीचंद पडळकरांचं डिपॉझिट जप्त केलंय.
काँग्रेस आमदार विश्वजित कदम यांनी पलूस कडेगाव मतदारसंघातून 1 लाख 62 हजार 521 असं भरघोस मताधिक्य मिळवलंय.
मुरबाड मतदार संघातून भाजपचे किसन कथोरे 1 लाख 37 हजार 336 मतांनी विजयी झालेत. त्यांनी राष्ट्रवादीचे प्रमोद हिंदुराव यांचा पराभव केलाय.
लातूर ग्रामीण मतदारसंघातून धीरज देशमुख यांनी विजय मिळालाय. धीरज देशमुख 1 लाख 19 हजार 826 एवढ्या विक्रमी मतांनी विजयी झालेत.
परभणीतून शिवसेना उमेदवार राहुल पाटील यांनी 80 हजाराहून अधिक मताधिक्य मिळवत विक्रमी विजय मिळविला. त्यांना 1 लाख 3 हजार मतं मिळाली.
भोसरी विधानसभा मतदार संघात भाजप उमेदवार महेश लांडगे 77 हजार 279 मतांनी विजयी झालेत.
नंदुरबारमधून भाजप उमेदवार डॉ. विजयकुमार गावित विक्रमी मतांनी विजयी झाले आहेत. त्यांनी काँग्रेस उमेदवार उदेसिंग पाडवी यांचा 70 हजार 650 मतांनी पराभव केला.
माढा मतदारसंघातून राष्ट्रवादीचे बबनराव शिंदे सहाव्यांदा विजयी झालेत. बबनराव शिंदे 68 हजार 549 विक्रमी मताधिक्यांनी विजयी झालेत. त्यांना 1 लाख 41 हजार 701 मते मिळालीत.