भारताची वेगवान गोलंदाज रेणुका सिंह भारतीय महिला संघाच्या गोलंदाजीचा कणा होत आहे.
झुलन गोस्वामी निवृत्त झाल्यानंतर भारतीय वेगवान गोलंदाजीचा भार रेणुका चांगल्या प्रकारे आपल्या खांद्यावर वाहत आहे.
दक्षिण आफ्रिकेमध्ये सुरू असलेल्या महिला टी 20 वर्ल्डकपमध्ये रेणुका सिंहने इतिहास रचला.
रेणुका ही भारताकडून टी 20 वर्ल्डकप सामन्यात 5 विकेट्स घेणारी पहिली वेगवान गोलंदाज बनली.
रेणुकाने इंग्लंडविरूद्धच्या सामन्यात 4 षटकात 15 धावा देत 5 विकेट्स घेतल्या. ही एका भारतीय महिला गोलंदाजाकडून टी 20 वर्ल्डकपमधील सर्वोत्तम कामगिरी होती.
रेणुका सिंहला नुकत्याच झालेल्या महिला प्रीमियर लीग लिलावात रॉयल चॅलेंजर बेंगलोरने 1.50 कोटी रूपये बोली लावत आपल्या गोटात खेचले.