अभिनेत्री सोनाली कुलकर्णी म्हणजे मराठीतील सर्वाधिक चर्चेतली अभिनेत्री.
नुकत्याच पार पडलेल्या 'झी टॉकीज कॉमेडी अवॉर्ड्स' या पुरस्कार सोहळ्यात तिला सर्वोत्कृष्ट अभिनेत्रीचा पुरस्कार मिळाला.
विजू माने दिग्दर्शित 'पांडू' या चित्रपटासाठी तिला हा पुरस्कार मिळाला आहे.
या पुरस्कार सोहळ्यात 'पांडू' चित्रपटाला एकूण आठ पुरस्कार प्राप्त झाले.
यामध्ये सर्वोत्कृष्ट प्रेक्षक पसंती, सर्वोत्कृष्ट अभिनेत्री, सर्वोत्कृष्ट अभिनेता, सर्वोत्कृष्ट दिग्दर्शक, सर्वोत्कृष्ट प्रेक्षक पसंती गीतकार, सर्वोत्कृष्ट प्रेक्षक पसंती गाणं, सर्वोत्कृष्ट प्रेक्षक पसंती गायक, सर्वोत्कृष्ट प्रेक्षक पसंती गायिका या पुरस्कारांचा समावेश आहे .
या चित्रपटात अभिनेता कुशल बद्रिके, भाऊ कदम आणि सोनाली कुलकर्णी प्रमुख भूमिकेत होते.
करोना काळानंतर प्रदर्शित झालेल्या या चित्रपटाने बॉक्स ऑफिसवरही जोरदार कमाई केली होती.