शाकिब - अल - हसन (2007 पासून अजून खेळतोय) :
शाकिब - अल - हसन हा 8 टी 20 वर्ल्डकप खेळणारा दुसरा खेळाडू आहे. याचबरोबर त्याने टी 20 वर्ल्डकप इतिहासातील आतापर्यंतच्या सर्वाधिक 47 विकेट्स घेतल्या आहेत.
शाहिद आफ्रिदी (2007 ते 2016) :
टी 20 वर्ल्डकपमध्ये सर्वाधिक विकेट्स घेणाऱ्यांच्या यादीत दुसऱ्या स्थानावर पाकिस्तानचा शाहिक आफ्रिदी आहे. त्याने 23.25 च्या सरासरीने 39 विकेट्स घेतल्या आहेत.
लसिथ मलिंगा (2007 - 2014) :
टी 20 वर्ल्डकपमध्ये सर्वाधिक विकेट घेणाऱ्यांच्या यादीत आशियाचा दबदबा आहे. या यादीत तिसऱ्या स्थानावर श्रीलंकेचा वेगवान गोलंदाज लसिथ मलिंगा आहे. त्याने 7.43 च्या सरासरीने 38 विकेट्स घेतल्या आहेत. इंग्लंडविरूद्ध त्याने 31 धावात 5 विकेट्स घेतल्या होत्या.
सईद अजमल (2009 ते 2014) :
पाकिस्तानच्या सईद अजमलने टी 20 वर्ल्डकपमध्ये 16.86 च्या सरासरीने 36 विकेट्स घेतल्या आहेत. तो या यादीत चौथ्या स्थानावर आहे.
अजंता मेंडिस (2009 ते 2014) :
टी 20 वर्ल्डकप इतिहासात आतापर्यंत सर्वाधिक विकेट्स घेणाऱ्यांच्या यादीत पाचवा क्रमांक श्रीलंकेच्या अजंता मेंडिसचा लागतो. त्याने 2009 ते 2014 या कालावधीत झालेल्या टी 20 वर्ल्डकपमध्ये 35 विकेट्स घेतल्या.
टी 20 वर्ल्डकपमध्ये सर्वाधिक विकेट्स घेणाऱ्यांच्या यादीत पहिल्या पाच खेळाडूंमध्ये आशियातील संघांचे वर्चस्व आहे. मात्र यात एकाही भारतीय गोलंदाजाचा समावेश नाही.