संतुलित आहारासाठी फायदेशीर आहेत कार्बोहायड्रेट्स, ‘या’ खाद्यपदार्थांचा आहारात करा समावेश

निरोगी जीवनशैली

निरोगी जीवनशैलीसाठी संतुलित आहार आणि नियमित व्यायाम करणे, अतिशय आवश्यक आहे.

या दोन्ही गोष्टींची जर योग्य प्रकारे सांगड घातली तर, तुमचे आरोग्य निरोगी राहिल, यात काही शंका नाही. 

संतुलित आहार

संतुलित आहारामध्ये कर्बोदके, प्रथिने, व्हिटॅमिन्स आणि मिनरल्स यांचा योग्य प्रकारे समावेश असणे हे फार महत्वाचे आहे.

कर्बोदके

कर्बोदकांचा (कार्बोहायड्रेट्स) आहारात समावेश केल्याने आपल्या आरोग्याला अनेक फायदे मिळतात. कर्बोदकांमुळे शरीराला ऊर्जा मिळते. शिवाय, आपल्या मेंदूच्या आरोग्यासाठी कर्बोदके अतिशय फायदेशीर आहेत. 

केळी

केळी खायला सर्वांनाच आवडते. या केळ्यांमध्ये कार्बोहायड्रेट्स आणि पोटॅशिअमचा मोठ्या प्रमाणात समावेश आढळून येतो. आपल्या शरीराला योग्य प्रकारे खनिजे पुरवण्यासाठी हा एक चांगला पर्याय आहे.

रताळे

रताळ्याला सुपरफूड म्हणून ओळखले जाते. कारण, रताळ्यांमध्ये कर्बोदके आणि खनिजे मोठ्या प्रमाणात असतात. खनिजे, जीवनसत्वे आणि अँटिऑक्सिडंट्सचा उत्तम स्त्रोत म्हणून रताळ्याला ओळखले जाते.

ओट्स

ओट्समध्ये विविध प्रकारच्या धान्यांचा समावेश असतो. या धान्यांमध्ये पोषकघटकांचे भरपूर प्रमाण आढळून येते. हे पोषकघटक आपल्या शरीरातील जीवनसत्वांची, खनिजांची, कर्बोदकांची आणि अँटिऑक्सिडंट्सची कमतरता पूर्ण करण्यास मदत करते.

कोरड्या केसांसाठी फायदेशीर आहे 'हा' होममेड हेअर मास्क