नाचणीच्या पिठाचे मोमोज कधी खाल्ले का? नोट करा सोपी रेसिपी!

नाचणीच्या पिठाचे मोमोज

नाचणीमधील मुबलक कॅल्शियम आणि भाज्यांमधील फायबरमुळे हे मोमोज चविष्ट असण्यासोबतच शरीरासाठी अत्यंत पौष्टिक मानले जातात.

साहित्य

नाचणीचे पीठ, गव्हाचे पीठ, तेल, मीठ, कोबी, गाजर, शिमला मिरची, कांदा, आले-लसूण, सोया सॉस, टोमॅटो सॉस आणि काळी मिरी पावडर लागते.

भाज्या चिरणे/ किसणे

कोबी आणि गाजर बारीक किसून एकत्र करावे आणि हाताने पिळून त्यातील जास्तीचे पाणी पूर्णपणे काढून टाकावे.

नाचणीचे पीठ कसे मळावे?

एका मोठ्या ताटात नाचणीचे पीठ, गव्हाचे पीठ आणि चवीनुसार मीठ एकत्र करून आवश्यकतेनुसार पाणी घालून घट्ट पीठ मळून घ्यावे.

भाज्यांचे सारण

कढईत तेल गरम करून आले-लसूण परतावे, नंतर कांदा, कोबी, गाजर आणि शिमला मिरची घालून मंद आचेवर ५ ते १० मिनिटे वाफवून घ्यावे.

मसाले आणि सॉस

भाज्या शिजवताना मीठ, काळी मिरी पावडर, सोया सॉस, टोमॅटो सॉस आणि आवडीनुसार इतर सॉस घालून सर्व मिश्रण व्यवस्थित मिक्स करावे.

मोमोजचा आकार

मळलेल्या पिठाचे लहान गोळे करून मध्यम पारी लाटून घ्यावी, त्यात भाज्यांचे सारण भरावे आणि मोमोजचा योग्य आकार द्यावा.

मोमोज वाफवून घ्यावेत

तेल लावलेल्या चाळणीवर मोमोज ठेवून ते १० मिनिटे वाफेवर शिजवून घ्यावेत; तयार झालेले गरमागरम नाचणी मोमोज सॉससोबत सर्व्ह करावेत.

लसूण कुठल्या राज्यात सगळ्यात जास्त पिकतो? माहीत आहे का 'गार्लिक सिटी'?