हेल्दी आणि टेस्टी! बीटरूट उकडीचा मोदक कधी खाल्लाय का? जाणून घ्या रेसिपी

बीटरूट उकडीचा मोदक

गणेशोत्सव म्हटलं की बाप्पाच्या नैवेद्यासाठी मोदक तर हवाच! पण यंदा नेहमीच्या उकडीच्या मोदकांपेक्षा काहीतरी हटके आणि आकर्षक बनवायचं असेल, तर बीटरूट उकडीचा मोदक नक्की ट्राय करा.

चव

बीटरूटच्या रसामुळे मोदकांना सुंदर गुलाबी रंग येतो आणि नारळ-गुळाच्या सारणामुळे त्याची चवही अप्रतिम लागते. चला तर मग, जाणून घेऊया हा सुंदर आणि चविष्ट मोदक बनवण्याची सोपी रेसिपी.

दिसायला

बीटरूटमुळे मोदकांना सुंदर लाल-गुलाबी रंग येतो. त्यामुळे हे मोदक दिसायला आकर्षक तर लागतातच, शिवाय चवीला देखील छान लागतात.

सारणासाठी

सारणासाठी ओला नारळ, गूळ, वेलची पूड आणि आवडीनुसार ड्रायफ्रूट्स घ्या. कढईत तूप गरम करून नारळ आणि गूळ मंद आचेवर परतून घ्या.

गूळ

गूळ वितळून सारण थोडं सुके झाल्यावर त्यात वेलची पूड आणि ड्रायफ्रूट्स घाला. हे सारण बाजूला काढून थंड होण्यासाठी ठेवा.

बीटरूटचा रस

आता एका भांड्यात अर्धा कप बीटरूटचा रस आणि अर्धा कप पाणी उकळायला ठेवा. त्यात तूप आणि चिमूटभर मीठ घालून उकळी आल्यावर तांदळाचं पीठ घाला.

पीठ

पीठ नीट ढवळून गॅस बंद करा आणि ५ मिनिटं झाकून ठेवा. नंतर उकड कोमट असतानाच मऊसर मळून घ्या.

तयार झाले सुंदर बीटरूट मोदक

पिठाची पारी तयार करून त्यात नारळ-गुळाचं सारण भरा आणि मोदकाचा आकार द्या. मोदकपात्रात १० ते १२ मिनिटं उकडून घ्या. तयार झाले तुमचे सुंदर, स्वादिष्ट बीटरूट उकडीचे मोदक.

विड्याच्या पानांचा मोदक कधी खाल्लाय का? जाणून घ्या रेसिपी