रेल्वेच्या प्रत्येक हॉर्नमध्ये असतो खास संदेश, जाणून घ्या भारतीय रेल्वेचं गुपित

खास संदेश

ट्रेनचा हॉर्न फक्त सूचना नसतो. प्रत्येक हॉर्नमागे एक खास संदेश दडलेला असतो.

एक छोटा हॉर्न

एक छोटा हॉर्न म्हणजे ट्रेन यार्डात धुणे, साफसफाई किंवा देखभालीसाठी जाण्यास तयार असल्याचा संकेत असतो.

दोन छोटे हॉर्न

दोन छोटे हॉर्न म्हणजे ट्रेन प्रवासासाठी पूर्णपणे तयार आहे. गार्डने पुढे जाण्याचा सिग्नल द्यावा, असा हा संदेश असतो.

तीन छोटे हॉर्न

हा हॉर्न अत्यंत दुर्मिळ आणि आपत्कालीन परिस्थितीत वाजवला जातो. इंजिनवरील नियंत्रण बिघडल्याची सूचना गार्डला यामधून दिली जाते.

चार छोटे हॉर्न

सलग चार छोटे हॉर्न म्हणजे इंजिनमध्ये तांत्रिक बिघाड झाला असून ट्रेन पुढे जाऊ शकत नाही.

एक लांब, एक छोटा हॉर्न

हा हॉर्न ब्रेक सिस्टम तपासण्यासाठी दिला जातो. ट्रेन सुटण्यापूर्वी सर्व यंत्रणा व्यवस्थित आहे का, याची खात्री केली जाते.

दोन छोटे, एक लांब हॉर्न

प्रवासादरम्यान कुणी इमर्जन्सी चेन ओढली किंवा व्हॅक्यूम ब्रेक लागला, तर हा हॉर्न गार्डला सतर्क करतो.

बराच वेळ वाजणारा लांब हॉर्न

स्टेशनवर असा हॉर्न ऐकू आला तर समजून घ्या, ही ट्रेन त्या स्थानकावर थांबणार नाही, ती थेट पुढे जाणार आहे.

थोडा थांबून दोनदा लांब हॉर्न

रेल्वे फाटक किंवा क्रॉसिंगजवळ लोकांना सावध करण्यासाठी हा हॉर्न दिला जातो.

दोन लांब, एक छोटा हॉर्न

हा हॉर्न ऐकला तर समजा ट्रेन ट्रॅक बदलत आहे. हा पूर्णपणे ऑपरेशनल सिग्नल असतो.

सहा छोटे हॉर्न

सलग सहा छोटे हॉर्न म्हणजे ट्रेन अडचणीत आहे आणि लोकोपायलट जवळच्या स्थानकाकडून तातडीची मदत मागत आहे.

दोन लांब, दोन छोटे हॉर्न

या हॉर्नद्वारे इंजिनचा ताबा घेण्याचा संदेश गार्डला दिला जातो.

पहाटे तीन वाजता रेल्वेचा हॉर्न का वाजवला जातो?