कोण होते मराठा साम्राज्याचे अखेरचे सेनापती?

जन्म

रत्नागिरीजवळच्या तळेखाजण येथे नरहर गणेश गोखले यांचा जन्म झाला. पुढे हाच तरुण मराठ्यांच्या इतिहासात नरवीर बापू गोखले म्हणून ओळखला गेला.

कर्नाटक मोहीम

अवघ्या चौदा-पंधरा वर्षांच्या वयात बापू गोखले मराठ्यांच्या सैन्यात दाखल झाले. कर्नाटकातील मोहिमांनी त्यांच्या पराक्रमाला खरी दिशा मिळाली.

घोडेस्वारी

बापूंचं आयुष्य साधं होतं. घोडेस्वारी, बोथाटी आणि कसरत यांच्यात त्यांचा वेळ जायचा. दिखावा, नाचगाणी त्यांना अजिबात पसंत नव्हती.

आव्हानांचा सामना

मराठा साम्राज्यात उठलेल्या अनेक बंडांना बापूंनी आळा घातला. धोंडाजी वाघापासून ताई तेलीणपर्यंत अनेक आव्हानांचा त्यांनी धैर्याने सामना केला.

किल्ला राखला

ताई तेलीणने वासोटा किल्ला ताब्यात घेतला होता. बापूंनी तब्बल काही महिने वेढा देत शेवटी हा मजबूत किल्ला आपल्या ताब्यात घेतला.

सेनापती

दुसरे बाजीराव पेशवे बापूंच्या निष्ठेने आणि पराक्रमाने प्रभावित झाले. १८१२ मध्ये त्यांना मोठा सरंजाम देऊन सेनापतीपदाची जबाबदारी सोपवली.

मराठ्यांची साथ

इंग्रजांनी बापूंना आपल्याकडे वळवण्याचा प्रयत्न केला. मात्र त्यांनी मराठ्यांची साथ सोडण्यापेक्षा प्राण गमावणे पसंत केलं.

खडकीचं युद्ध

१८१७ च्या खडकीच्या लढाईत बापूंनी इंग्रजांवर जोरदार हल्ला केला. मात्र पेशव्यांच्या निर्णयामुळे त्यांना अखेर रणांगणातून माघार घ्यावी लागली.

धारातीर्थी

२० फेब्रुवारी १८१८ रोजी गोपाळाची आष्टी येथे बापूंनी मोजक्या स्वारांसह इंग्रजांवर तुटून हल्ला केला. लढता लढताच ते धारातीर्थी पडले.

स्वामीनिष्ठेचा शेवट

बापूंचा मृत्यू म्हणजे फक्त एका सेनापतीचा अंत नव्हता. मराठ्यांच्या स्वामीनिष्ठेची आणि शेवटपर्यंत लढण्याची ती जिवंत निशाणी होती.

जग जिंकणारा चंगेज खान भारतात का घुसू शकला नाही?