फक्त योगिता आणि सौरभ नाही हे कलाकारही झाले वर्ष-दीड वर्षात वेगळे !

योगिता चव्हाण आणि सौरभ चौघुले

सेलिब्रिटी जोडी सौरभ चौघुले आणि योगिता चव्हाण यांनी एकमेकांना सोशल मीडियावर अनफॉलो केल्यानंतर त्यांच्या विभक्त झाल्याच्या चर्चा रंगल्या आहेत. आता जाणून घेऊया अशाच काही कलाकार जोड्यांविषयी जे लग्नानंतर वर्ष-दीड वर्षातच वेगळे झाले.

सुयश टिळक आयुषी भावे

सेलिब्रिटी जोडी सुयश टिळक आणि आयुषी भावे हे सुद्धा विभक्त झाल्याच्या चर्चा आहेत. अजूनतरी त्यांनी यावर भाष्य केलं नाहीये. पण ते दोघेही वेगळे झाल्याची चर्चा त्यांच्या लग्नाला जवळपास दोन वर्षं पूर्ण झाली तेव्हा रंगू लागली कारण त्यांनी एकमेकांना अनफॉलो केलं आहे.

मानसी नाईक आणि परदीप खरेरा

अभिनेत्री मानसी नाईकही वर्षभरातच तिचा पती परदीप खरेरा पासून वेगळी झाली. त्याने तिची फसवणूक केल्याचा आरोप तिने केला. परदीप आता दुसऱ्या लग्नाच्या तयारीत आहे.

शशांक केतकर आणि तेजश्री प्रधान

सगळ्यांची लाडकी जोडी शशांक केतकर आणि तेजश्री प्रधानसुद्धा हे वर्षभरातच वेगळे झाले. त्यांच्यातील वैयक्तिक वादामुळे हे नातं टिकू शकलं नाही.

मयुरी वाघ आणि पियुष रानडे

सेलिब्रिटी जोडी मयुरी वाघ आणि पियुष रानडेही वर्षभराच्या आत वेगळे झाले. मयुरीने पियुषवर फसवणुकीचा आरोप केला.

नम्रता प्रधान

छत्रीवाली फेम अभिनेत्री नम्रता प्रधाननेही लग्न केलं होत पण वर्षाच्या आतच तिचा संसार मोडला.

स्नेहा वाघ आणि अनुराग सोळंकी

अविष्कार दारव्हेकरशी लग्न मोडल्यानंतर अभिनेत्री स्नेहा वाघने अनुराग सोळंकीशी लग्न केलं. पण वर्षभरातच ते वेगळे झाले.

स्मिता गोंदकर आणि सिद्धार्थ बांडिया

अभिनेत्री स्मिता गोंदकरनेही सिद्धार्थ बांडियाशी लग्न केलं होतं. पण वर्षभरातच तो तिची फसवणूक करत असल्याचं समोर आलं आणि ती त्याच्यापासून वेगळी झाली.

बायकांना ढसाढसा रडायला लावणारा माहेरची साडी ओरिजिनल नाही तर या सिनेमाचा रिमेक