अख्खं पुणं पाण्याखाली गेलेलं, ६४ वर्षांपूर्वीची पानशेत धरणफुटीची घटना; अंगावर काटा आणणारे फोटो

पानशेत धरणं फुटलं

१२ जुलै १९६१ रोजी सकाळ उजाडताच पुण्यावर मोठं संकट कोसळलं होतं. पानशेत धरण फुटल्यानंतर काही तासांतच शहरातील अनेक भाग पाण्याखाली गेले होते.

नागरिकांनी सोडलं घर

पूराचं पाणी वेगाने शहरात शिरताच नागरिकांमध्ये गोंधळ उडाला. जीव वाचवण्यासाठी अनेकांनी घरं सोडली, तर काहींनी छतांवर आश्रय घेतला होता.

अनेकांची संसार उद्धवस्त

पुराच्या पाण्याने हजारो कुटुंबांचे संसार उद्ध्वस्त झाले होते. घरातील भांडी, कपडे, अन्नधान्य आणि इतर आवश्यक वस्तू वाहून गेल्या होत्या.

माणुसकीचं दर्शन

भीषण संकटात माणुसकीचं दर्शनही घडलं होतं. उंच भागात राहणाऱ्या अनेक कुटुंबांनी पूरग्रस्तांना आपल्या घरात आश्रय दिला होता

लष्कराने केले प्रयत्न

धरणाला तडे गेल्यानंतर भारतीय लष्कराच्या अभियंत्यांनी ते रोखण्यासाठी शर्थीचे प्रयत्न केले. त्यामुळे हजारो नागरिकांना सुरक्षित ठिकाणी जाण्याची संधी मिळाली.

चोरीच्या घटना

दुसऱ्या दिवशी "पाणी आलं" अशी अफवा पसरण्यात आली. त्यामुळे नागरिकांनी घरं सोडून दुसरीकडे धाव घेतली, याचाच फायदा घेत चोरट्यांनी घरातील सामना चोरून नेलं.

पूरग्रस्तांचं पुनर्वसन

या महापुरानंतर हजारो पूरग्रस्तांचं पुनर्वसन करण्यात आलं. गोखलेनगर, सहकारनगर, दत्तवाडी, येरवडा यांसारख्या भागांचा पुढील काळात मोठ्या प्रमाणावर विकास झाला.

आठवणी आजही ताज्या

पानशेत धरण फुटीला अनेक दशकं उलटली असली, तरी त्या दिवसाच्या आठवणी आजही पुणेकरांच्या मनात जिवंत आहेत.

झोप लागत नाही? 'लाईट थेरपी' ठरू शकते रामबाण; जाणून घ्या कसं काम करतं हे तंत्र