kimaya narayan
संपूर्ण जगभरात गाजलेली सिने सिरीज हॅरी पॉटर आजही तितकीच लोकप्रिय आहे. जे के रोलिंग लिखित पुस्तकांवर आधारित असलेली ही सिरीज अतिशय गाजली होती.
या पुस्तकांवर ८ सिनेमे बनवण्यात आले. त्यातील हॅरी, रॉन आणि हरमायनी हे त्रिकुट गाजलं. डॅनियल रॅडक्लिफ, एम्मा वॉट्सन आणि रुपर्ट ग्रींट या तिघांनी भूमिका साकारल्या होत्या.
नुकतीच एचबीओने हॅरी पॉटर टीव्ही सिरीजची घोषणा केली. या सातही पुस्तकांवर आधारित नवी सिरीज टेलिव्हिजनवर प्रेक्षकांना पाहायला मिळणार आहे. पण यातील कलाकार पूर्णपणे वेगळे असणार आहेत. 2026 मध्ये या सिरीजचा पहिला सीजन प्रेक्षकांच्या भेटीस येणार आहे.
नुकतीच या टीव्ही सिरीजमधील महत्त्वपूर्ण भूमिका साकारणाऱ्या कलाकारांची नावं जाहीर करण्यात आली. हॉगवॉर्ट्सचा केअरटेकर असलेल्या आर्गस फिल्चची भूमिका पॉल व्हाईटहाऊस साकारणार आहेत.
हॉगवॉर्ट्सच्या उपमुख्याध्यापिका आणि रूपांतरण विषयाच्या शिक्षिका असलेल्या मिनर्व्हा मॅकगॉनगल ही भूमिका अभिनेत्री जेनेट मॅकटीअर साकारणार आहे. तिने मिशन इम्पॉसिबलच्या शेवटच्या भागातही काम केलं आहे.
सध्या प्रेक्षक नाराज आहेत सिविरस स्नेप या मुख्य भूमिकेसाठी निवडण्यात आलेल्या कलाकारावरून. ॲलन रिकमन यांनी अजरामर केलेली ही भूमिका आता पापा इसिड्यू साकारणार आहे. त्यामुळे अनेकजण नाराज आहेत.
हॅरीचा मित्र असलेला गेटकिपर रूबियस हॅग्रीडची भूमिका निक फ्रॉस्ट साकारणार आहे. या आधी ही भूमिका रॉबी कॉलट्रेन यांनी साकारली होती.
जादूच्या दुनियेतील सगळ्यात शक्तिशाली जादूगार असलेले आणि हॅरीचे मार्गदर्शक हॉगवर्ट्सचे मुख्यध्यापक अल्बम डम्बलडोरची भूमिका जॉन लिथगो साकारणार आहेत. या आधी ही भूमिका मिशेल गॅम्बन आणि रिचर्ड हॅरिस यांनी गाजवली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.