Shubham Banubakode
सध्या रायगडावरील शिवसमाधीजवळील वाघ्या कुत्र्याचा पुतळा वादात सापडला आहे, या श्वानाची समाधी शिवकालीन नसल्याचे इतिहासतज्ज्ञांचे मत आहे.
इतिहासात वाघ्या कुत्र्याचा उल्लेख नसला तरी शंभू पुत्र शाहू सारख्या छत्रपतींना निश्चितच श्वानांचा लळा होता. त्यामुळे मराठी श्वान प्रेम हे ऐतिहासिक आहे.
उत्तर कर्नाटकातील मुधोळ संस्थान, जरी आज कर्नाटकात असले तरी मराठ्यांचे वर्चस्व असलेला प्रदेश होता.
मुधोळ संस्थानचे राजा मालोजीराव घोरपडे यांना कुत्र्यांचा प्रचंड शौक होता. इराणच्या राजाकडून त्यांना हाऊंड जातीची कुत्री भेट मिळाली आणि त्यावरूनच त्यांनी मुधोळ हाऊंडची जाती विकसित केली.
इंग्लंडचे किंग जॉर्ज V दिल्ली दरबारात आले असताना, मुधोळच्या राजांनी त्यांना चार कुत्रे भेट दिले. कुत्र्यांचे सौंदर्य पाहून त्यांनी उद्गार काढले – "हाऊ ब्युटीफुल हाऊंडस ऑफ मुधोळ"! तेव्हापासून या जातीला "मुधोळ हाऊंड" हे नाव मिळाले.
ही कुत्री उंच, काटक आणि अत्यंत चपळ असतात. लांब कान, निमुळता चेहरा आणि जमिनीला स्पर्श करणारी शेपूट यामुळे त्यांचा देखणा रुबाब वेगळाच दिसतो.
इंग्लिश ग्रे हाउंडच्या तोडीस तोड अशी ही भारतीय जात जगभर प्रसिद्ध आहे. फक्त दर्दी लोकांकडेच हा श्वान आढळतो.
२०१७ मध्ये भारतीय लष्करात पहिल्यांदा मुधोळ हाऊंडचा समावेश झाला. कठीण हवामानातही सहज तग धरू शकणारा हा श्वान देशाच्या सुरक्षेसाठी तैनात करण्यात आला आहे.
स्फोटके हुंगण्याची अफाट क्षमता आणि प्रचंड चपळाईमुळे मुधोळ हाऊंड आता सीमेवरील सैनिकांसोबत तैनात आहे.
मुधोळ हाउंड ही कुत्र्यांची भारतीय जात आता पंतप्रधान नरेंद्र मोदी यांच्या विशेष सुरक्षा गटाचा (SPG) भाग बनली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.