Pahalgam: पहलगामला भारताचं स्वित्झर्लंड का म्हणतात?

पहलगाम – भारताचं स्वित्झर्लंड

हिरवीगार कुरणं, बर्फाच्छादित शिखरं, आणि नेत्रदीपक निसर्ग सौंदर्यानं नटलेलं पहलगाम हे ‘भारताचं स्वित्झर्लंड’ म्हणून ओळखलं जातं.

अमरनाथ यात्रेचा महत्त्वाचा टप्पा

हिंदू भाविकांच्या अमरनाथ यात्रेच्या मार्गावरचं महत्त्वाचं स्थान म्हणजे पहलगाम. यात्रेदरम्यान हजारो भाविक इथून प्रवास करतात.

बैसरन – हिरवा स्वर्ग

पहलगामपासून पाच किलोमीटरवर वसलेलं बैसरन हे उंचीवरचं सुंदर गवताळ मैदान आहे. ट्रेक किंवा घोड्यावरूनच इथे पोहोचता येतं.

शेषनाग आणि तुलियान – बर्फाळ तलाव

शेषनाग आणि तुलियान हे बर्फाच्छादित तलाव ट्रेकर्ससाठी स्वर्ग मानले जातात. जूनपर्यंत गोठलेलं पाणी आणि आजूबाजूचं सौंदर्य मन मोहून टाकतं.

अरू व्हॅली आणि लिडरवाट – ट्रेक आणि कॅम्पिंग

डोंगरांच्या कुशीतली अरू व्हॅली आणि लिडरवाट या ठिकाणी ट्रेकिंगसाठी आणि कॅम्पिंगसाठी पर्यटक गर्दी करतात.

बॉलिवूडचं आवडतं ठिकाण

‘बेताब’ चित्रपटात दिसलेली प्रसिद्ध बेताब व्हॅली, आणि इतरही अनेक चित्रपटांचं शूटिंग इथे झालं आहे.

पर्यटनातील वाढ

2024 मध्ये तब्बल 35 लाख पर्यटकांनी काश्मीरला भेट दिली होती, यातील अनेकांनी पहलगामचा निसर्ग अनुभवला.

वन्यजीवनाचं नंदनवन

इथे स्नो लेपर्ड (हिमबिबट्या), आशियाई काळे अस्वल, लाल कोल्हा, कस्तुरी मृग यांसारख्या दुर्मिळ प्राण्यांचे निवासस्थान आहे.

सांस्कृतिक विविधतेचं दर्शन

13,200 लोकसंख्या असलेल्या या गावात मुस्लिम, हिंदू, शीख, ख्रिश्चन यांसारख्या विविध धर्मांचे लोक शांततेत राहतात.

पहलगामचा अर्थ माहितीय का? इथंच असतो अमरनाथ यात्रेचा बेस कॅम्प