Narmada Jayanti: नर्मदा परिक्रमा होणार हायटेक! महेश्वर-ओंकारेश्वरमध्ये होणार पर्यटन सुविधांचा मोठा विस्तार; होमस्टे, अन्नछत्र अन् बरंच काही..

मध्य प्रदेशची भाग्यरेषा आणि राज्यातील ३३ टक्क्यांहून अधिक लोकसंख्येची जीवनवाहिनी असलेल्या पवित्र नर्मदा नदीच्या संवर्धनासाठी राज्य सरकारने एक व्यापक आणि महत्त्वाकांक्षी पाऊल उचलले आहे. मुख्यमंत्री डॉ. मोहन यादव यांच्या अध्यक्षतेखाली २ जुलै रोजी मंत्रालयात पार पडलेल्या 'नर्मदा समग्र' (Narmada Samagra) च्या उच्चस्तरीय बैठकीत नर्मदा नदीचे जल प्रदूषणमुक्त, निर्मळ आणि अविरत ठेवण्यासाठी 'नमन मिशन' (NAMAN Mission) ची घोषणा करण्यात आली.