'मुलांचे आरोग्य, ही प्रत्येक आई-वडिलांची काळजी'; पाचगणीत गरजूंना मायेची ऊब

पाचगणी (जि. सातारा) : मित्रत्व, सामाजिक कार्य आणि एकात्मता अशा त्रिवेणी संगमाचे ब्रीदवाक्‍य उराशी बाळगून उदयास आलेल्या पाचगणी इनरव्हील क्‍लबने राजापुरी (ता. सातारा) येथील नव इंग्लिश स्कूलच्या गरजू विद्यार्थ्यांना टॉवेल, साबण वाटप करून क्‍लबच्या कार्याची मुहूर्तमेढ रोवली. 

बोरणे (ता. सातारा) येथील तपोवन आश्रमात दादाजी फाउंडेशन व इनरव्हील क्‍लबच्या वतीने दादाजींच्या स्मृतिदिनानिमित्त आयोजित सोहळ्यामध्ये पाचगणी इनरव्हील क्‍लबच्या कार्याची मुहूर्तमेढ रोवण्यात आली. नूतन अध्यक्षा कल्पना पुरोहित म्हणाल्या "मुलांचे आरोग्य ही प्रत्येक आई-वडिलांची काळजी असते. त्यामध्ये पाल्यांचे दैनंदिन शेड्युल फार अस्तव्यस्त झाले आहे. अभ्यास व वेगवेगळ्या उपक्रमांत विद्यार्थी गुरफटून गेले आहेत. त्यातच व्हायरल इन्फेक्‍शन अनेकदा डोके वर काढते व अशा वेळी विद्यार्थ्यांनी स्वछता राखून आपल्या तब्येतीची काळजी घेतली पाहिजे व याच अनुषंगाने साबण व टॉवेलचे वाटप करत आहोत.'' रौप्यमहोत्सवी वर्षाकडे वाटचाल करत असलेल्या पाचगणी रोटरी क्‍लबचा आदर्श डोळ्यासमोर ठेवून व त्यांच्या कार्याने प्रेरित होऊन आम्ही इनरव्हील क्‍लबची मुहूर्तमेढ रोवली असून, या कार्यक्रमाने कार्याचा श्रीगणेशा केल्याचे सचिव संगीता पाटील यांनी सांगितले. 

कृष्णा महाविद्यालयात साकारले बोटॅनिकल गार्डन; अडीच एकरांत 300 दुर्मिळ वनस्पतींचे संवर्धन

महाबळेश्वर इनरव्हील क्‍लबच्या अध्यक्षा दीपा गाडेकर यांच्या मार्गदर्शनाखाली व त्यांच्या सर्व सदस्यांच्या सहकार्याने पाचगणी इनरव्हील क्‍लबची उभारणी गतीने झाल्याचे विनिता सक्‍सेना म्हणाल्या. नूतन खजिनदार मनीषा शिंदे यांनी विविध कोर्सेसविषयी माहिती दिली. ट्रस्टचे अध्यक्ष किरण गावंड यांनी स्वागत केले. कार्यक्रमास सुजाता मुळे, अपर्णा पिसाळ, सुषमा पवार, विनिता सक्‍सेना, दादाजी फाउंडेशनचे पदाधिकारी, अनुयायी व नातेवाईक उपस्थित होते. 

शरद पवारांसोबत रहा तुमचे प्रश्न सुटतील; रामराजेंचा कार्यकर्त्यांना कानमंत्र

संपादन : बाळकृष्ण मधाळे