U Mumba चा दिमाखदार खेळ; Bengaluru Bulls विरुद्ध विजयी सलामी

PKL 2021 Bengaluru Bulls vs U Mumba : प्रो कबड्डी लीगच्या आठव्या हंगामाला सुरुवात झाली आहे. आठव्या हंगामातील सलामीच्या लढतीत यू मुम्बाने (U Mumba) बंगळुरु बुल्सला (Bengaluru Bulls) पराभूत करत विजयी सलामी दिली. पहिल्या हाफमध्येच यू मुम्बाने 24-17 अशी आघाडी घेत बंगळुरु बुल्सला बॅकफूटवर ढकलले होते. पहिल्या हाफमध्ये घेतलेल्या 7 पॉइंट्सची आघाडीत आणखी 9 पॉइंट्सची भर घालून यू मुम्बाने सामना 46-30 असा खिशात घातला.

यू मुम्बाच्या विजयात अभिषेक सिंगने (AbhishekSingh) मोलाचा वाटा उचलला. चढाईमध्ये (Raid) 15 आणि बोनस 4 (Bonus) स्वरुपात 19 गुण मिळवले. दुसऱ्या बाजूला व्ही अजिथकुमारने (V.AjithKumar) त्याला उत्तम साथ दिली. त्याने चढाईमध्ये (Raid) घेतलेल्या 5 गुणांसह बोनस स्वरुपात एक गुण असे संघाला एकूण 6 गुण मिळवून दिले.

बंगळुरु बुल्सकडून पवन कुमार (PawanKumar) 7+5 (Raid+ Bonus) असे 12 गुण मिळवले. चंद्रन रंजितनेही (ChandranRanjit) 12 गुण मिळवले. बंगळुरु बुल्सला Tackle मध्ये केवळ तीन गुणांची कमाई करता आली. यात मयूर कदमने 2 तर मोरे जीबी यांने एका गुणाची भर घातली.