मुंबई - बदलापूर येथील ‘उल्हास प्रभात’ने आयोजित केलेल्या राज्यस्तरीय दिवाळी अंक स्पर्धेत ‘सकाळ’च्या ‘अवतरण’ दिवाळी अंकाला प्रथम पुरस्कार जाहीर झाला आहे. बदलापूर येथे शुक्रवारी (ता.१८) होणाऱ्या सोहळ्यात मान्यवरांच्या हस्ते या पुरस्कारांचे वितरण होणार आहे.
समाजजीवनावर प्रभाव टाकणाऱ्या विविधांगी विषयाला वाहिलेला दिवाळी अंक प्रसिद्ध करण्याची ‘सकाळ’च्या मुंबई आवृत्तीची परंपरा आहे. यंदा ‘कोलाहल’ या आगळ्यावेगळ्या विषयाचा अभ्यासपूर्ण आढावा घेणारा आणि आकर्षक मांडणी असलेल्या ‘अवतरण’ दिवाळी अंकाची राज्यभरात चर्चा झाली होती. हा अंक संग्राह्य दस्तऐवज ठरला. त्याचीच प्रचिती म्हणून ‘उल्हास प्रभात’द्वारा आयोजित राज्यस्तरीय स्पर्धेत ‘अवतरण’ने पहिला क्रमांक पटकावला आहे.
आमदार किसन कथोरे, परशुराम आर्थिक विकास महामंडळाचे अध्यक्ष कॅप्टन आशीष दामले, ‘सकाळ’चे मुख्य संपादक राहुल गडपाले, बिल्डर असोसिएशनचे अध्यक्ष संजय जाधव यांच्या प्रमुख उपस्थितीत पुरस्कार वितरण सोहळा होणार असल्याचे ‘उल्हास प्रभात’चे संपादक डॉ. गुरुनाथ पांडुरंग बनोटे यांनी सांगितले.
पुरस्कार विजेते अंक
दिवाळी अंक पुरस्कार
प्रथम : अवतरण, सकाळ मुंबई
द्वितीय : उद्याचा मराठवाडा, नांदेड
तृतीय : लोकमंगल मैत्र, सोलापूर
सर्वोत्कृष्ट दिवाळी अंक
अपेक्षा (पुणे), पोर्ट ट्रस्ट कामगार (मुंबई), वेदान्त श्री (पुणे), धमाल धमाका (अहिल्यानगर), रणांगण (नवी मुंबई), नृत्यावकाश (पुणे).
उत्कृष्ट दिवाळी अंक
साहित्य सावाना (नाशिक), सुभाषित (नाशिक), अर्थशक्ती (मुलुंड).
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.