शहीद भाई संगारे स्मारकासाठी प्रयत्नांची गरज

शहीद भाई संगारे स्मारकासाठी प्रयत्नांची गरज

सकाळ वृत्तसेवा
मुंबई, ता. ४ : ज्यांच्या शब्दाशब्दांत असायचे अंगारे, ते होते भाई संगारे, अशी काव्यमय सुरुवात करून तरुणांच्या मानत क्रांती ज्योत पटविणारे शहीद भाई संगारे यांच्या स्मृतिप्रीत्यर्थ महाड क्रांतीभूमित त्यांचे स्मारक उभारण्यासाठी आपण सर्व जण प्रयत्न करूया, असे आवाहन रामदास आठवले यांनी केले. भायखळा येथील लोकशाहीर अण्णा भाऊ साठे नाट्यगृह येथे दिवंगत शहीद भाई संगारे यांच्या २५व्या स्मृतिदिनी आयोजित जाहीर श्रद्धांजली सभेत रामदास आठवले बोलत होते.
शहीद भाई संगारे यांच्या २५व्या स्मृतिदिनी सर्व जुने पँथर एकत्र आले आहेत. आपले आता पक्ष वेगवेगळे असले तरी समाज म्हणून आपण नेहमी एकत्र असले पाहिजे, अशी सामाजिक ऐक्याची साद आठवले यांनी यावेळी घातली. यावेळी विधानसभेचे अध्यक्ष राहुल नार्वेकर यांची प्रमुख उपस्थिती होती. कार्यक्रमाला सर्व दलित पँथर चळवळीतील ज्येष्ठ नेते पँथर ज. वि. पवार, अविनाश महातेकर, अर्जुन डांगळे, गौतम सोनवणे, खासदार चंद्रकांत हंडोरेसह अन्य नेते उपस्थित होते. शहीद भाई संगारे यांच्या पत्नी सुषमाताई संगारे यांच्यासह कुटुंब उपस्थित होते.

आठवणींना उजाळा
ज्येष्ठ पँथर नेते तानसेन ननावरे यांनी दिवंगत शहीद भाई संगारे यांचे क्रांतिभूमी महाड येथे स्मारक करावे, अशी मागणी केली. यावेळी सर्वच वक्त्यांनी या मागणीला पाठिंबा दिला. दलित पँथर आणि त्यानंतर भारतीय दलित पँथरच्या चळवळीतील अनेक आठवणींना उजाळा देत शहीद भाई संगारे यांना भावपूर्ण श्रद्धांजली वाहिली. यावेळी सभागृह दलित पँथर चळवळीच्या आठवणींनी पँथरमय झाले होते.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com