दहशतवादी हल्ल्याचा भिवंडीत निषेध

भिवंडी, ता.२६ (वार्ताहर) ः काश्मीरमधील पहेलगाम येथे दहशतवाद्यांनी पर्यटकांवर केलेल्या भ्याड हल्ल्याचा देशभरातून निषेध केला जात आहे. भिवंडीत शिवसेना उद्धव बाळासाहेब ठाकरे पक्षाकडून छत्रपती शिवाजी महाराज चौकात निदर्शने करण्यात आली.
शहर जिल्हाप्रमुख मनोज गगे व लोकसभा समन्वयक हनुमान पाटील, महानगर प्रमुख अरुण पाटील, जिल्हा सचिव राजाभाऊ पुण्यार्थी, जिल्हा संघटिका वैशाली मेस्त्री यांच्या उपस्थितीत मृत्युमुखी पडलेल्या पर्यटकांना श्रद्धांजली वाहण्यात आली. या आंदोलनात महिला जिल्हा उपसंघटिका कविता भगत, तालुका संघटिका फशी पाटील यांसह राजेंद्र काबाडी, वैभव तूपसाखरे, गणेश मोरे, प्रशांत वसानी, मयूर कदम, प्रताप शिंदे, केदार सिंगासने सहभागी झाले.