भारतीय वैद्यकीय संघटनेची कार्यकारणी जाहीर

भारतीय वैद्यकीय संघटनेची कार्यकारिणी जाहीर
टिटवाळा, ता. २५ (वार्ताहर) : भारतीय वैद्यकीय संघटनेच्या टिटवाळा शाखेचा उद्घाटन सोहळा मोठ्या उत्साहात पार पडला. टिटवाळा शाखा क्रमांक २७४ च्या स्थापना दिनानिमित्त टिटवाळ्यात एक भव्य सोहळा आयोजित केला होता. या कार्यक्रमाचे मुख्य अतिथी म्हणून आयएमएचे राज्य अध्यक्ष डॉ. संतोष कदम उपस्थित होते. तसेच मानद सचिव डॉ. अनिल आव्हाड आणि माजी अध्यक्ष डॉ. रवींद्र कुटे हे सन्माननीय पाहुणे म्हणून उपस्थित होते. कार्यक्रमात नवीन पदाधिकाऱ्यांची अधिकृत स्थापना करण्यात आली. या वेळी डॉ. अनुराधा मिश्रा, अध्यक्ष, डॉ. अर्चना पाटील, उपाध्यक्ष, डॉ. प्रांजल पोटे, सचिव, डॉ. हितेंद्र चौधरी, कोषाध्यक्ष अशी पदनियुक्ती करण्यात आली. याव्यतिरिक्त समिती सदस्य म्हणून डॉ. संकेत पाठारी, डॉ. चेतन पाटील, डॉ. महेंद्र भंडारी, डॉ. देवेंद्र भोळे, डॉ. संजीव मिश्रा, डॉ. हिरामन साबळे, डॉ. अमोघ जवळे यांची निवड करण्यात आली.