वाघांसाठी गर्जना करू या

वाघांसाठी गर्जना करू या
पंचमहाभूते फाउंडेशनचे आवाहन

मुंबई, ता. २४ ः २९ जुलैला असणाऱ्या आंतरराष्ट्रीय व्याघ्रदिनानिमित्त पंचमहाभूते फाउंडेशनने ‘वाघांसाठी गर्जना करू या’ हा आगळावेगळा उपक्रम हाती घेतला आहे. हे जागतिक स्तरावरील जनजगृती अभियान आहे.
याअंतर्गत #RoarForTigers ग्लोबल चॅलेंज सुरू करण्यात येत आहे. हे डिजिटल जनआंदोलन आहे. वाघांचे संरक्षण, वनसंवर्धन आणि पर्यावरणीय समतोल याबाबत यातून सर्वसामान्यांत जागृती केली जाणार आहे. शालेय विद्यार्थी, पर्यावरणप्रेमी, कलावंत, नागरिक, सेलिब्रिटी, कॉर्पोरेट, समाजसेवी संस्था आणि सरकार या सर्वांनी यात सहभागी व्हावे, असे आवाहन करण्यात आले आहे.
याअंतर्गत स्वतःचा वाघासारखी गर्जना करणारा ३० सेकंदांचा व्हिडिओ किंवा संदेश तयार करून #RoarForTigers वापरून समाजमाध्यमावर पोस्ट करायचा आहे. त्यात तुम्ही आणखी तिघांना असे करण्यास सुचवायचे आहे. २५ ते २९ जुलै या काळात हे करायचे आहे. सर्वोत्कृष्ट व्हिडिओ आणि पोस्टला डिजिटल बॅजेस आणि प्रमाणपत्र दिली जातील. जगातील ७० टक्क्यांपेक्षा अधिक वाघांचा अधिवास असलेल्या आपल्या देशात विविध कारणांनी वाघांचे अस्तित्व धोक्यात आले आहे. वाघ वाचला तर निसर्ग वाचेल हे लक्षात घेऊन हा उपक्रमात सहभागी व्हावे, असे आवाहन करण्यात आले आहे.
...
गाणी म्हणा, चित्र रंगवा...
शाळा, महाविद्यालयांतील विद्यार्थी, पर्यावरणप्रेमी, कलावंत, नागरिक, सेलिब्रिटी, कॉर्पोरेट, समाजसेवी संस्था, सरकारी यंत्रणा आणि वन विभाग अशा सर्वांनी यात सहभागी व्हावे, असे आवाहन संस्थेने केले आहे. गर्जना करा, गाणी म्हणा, चित्र रंगवा, नृत्य करा आणि वाघांसाठी जनजागृती करा, असे संस्थेने म्हटले आहे.