Walking vs Running for Weight Loss
esakal
डॉ. सुबोध देशमुख
चालणे असो वा पळणे, तुम्ही आहारात पांढरी साखर सोडली नाही तर वजन कमी होणे अशक्य आहे. साखरेमुळे रक्तातील इन्सुलिनची पातळी सतत वाढलेली राहते आणि इन्सुलिन वाढलेले असताना शरीर साठवलेली चरबी अजिबात जाळत नाही. त्यामुळे साखरेचे पदार्थ, चहा, शीतपेये, बेकरी उत्पादने आणि पाकीटबंद पदार्थ खाणे पूर्णपणे बंद करावे.
वजन कमी करायचे ठरवले, की बहुतांश लोकांच्या डोक्यात सर्वात आधी येणारा विचार म्हणजे रोज सकाळी व्यायाम करावा लागणार. परंतु, या प्रवासात ‘रस्त्याने वेगाने चालणे जास्त फायदेशीर, की पळणे (रनिंग/जॉगिंग)’ यावरून गोंधळ पाहायला मिळतो. काही लोकांना वाटते की खूप घाम गाळून पळल्याशिवाय वजन कमी होत नाही, तर काही लोकांच्या मते रोज नियमित चालणेच आरोग्यासाठी सुरक्षित असते. प्रत्यक्षात वजन कमी होण्याच्या प्रक्रियेत केवळ चालणे किंवा पळणे एवढाच भाग नसून त्याच्या बरोबरीने पचनक्रिया, कॅलरीज जाळण्याचे शास्त्र आणि आहाराचे गणित या गोष्टीही अत्यंत महत्त्वाच्या असतात. वजन उतरवण्यासाठी चालणे आणि पळणे यातील वैज्ञानिक फरक काय आहे आणि जलद निकालासाठी इतर कोणत्या गोष्टींची जोड द्यावी हे पुढील काही मुद्द्यांमधून समजून घेऊ या.
