पादचाऱ्याकडील 50 हजारांची रोकड;चोरट्यानी हिसकावून नेली

पुणे : भरदुपारी रहदारीच्या ठिकाणी रस्त्याने पायी जाणाऱ्या एका ज्येष्ठ नागरीकाच्या हातातील 50 हजार रूपयांची रोकड असलेली पिशवी चोरट्यांनी जबरदस्तीने हिसकावून चोरुन नेली.भरदुपारी घडलेल्या या घटनेची विश्रामबाग पोलिसांनी गांभीर्याने दखल घेत तांत्रिक विश्लेषण करुन अवघ्या 6 तासात चोरट्यांना अटक केली. हि घटना शुक्रवारी दुपारी साडे बारा वाजता कुमठेकर रस्त्यावरील चितळे बंधू मिठाई दुकानाजवळ घडली.अली अजगर इक्बाल नजे (वय ३८, रा. रोहिदास वाडा, आझाद फरिद चाळ, ठाणे) , यासीन इमाम शेख (वय २४, रा. हाजी मलंग वाडी, अंबरनाथ,ठाणे), राजेश राधेश्याम सिंग (वय ३५, रा. वाशी नाका, चेंबूर, मुंबई), रवींद्र वसंत पांचाळ (वय ५०, रा. काळा तलाव, कल्याण, ठाणे) अशी अटक केलेल्या आरोपीची नावे आहेत. याप्रकरणी प्रकाश उपळकर (वय ५९) यांनी विश्रामबाग पोलिस ठाण्यात फिर्याद दिली आहे.

वरिष्ठ पोलिस निरीक्षक सुनील माने यांनी दिलेल्या माहितीनुसार, फिर्यादी उपळकर हे सेवानिवॄत्त आहेत. शुक्रवारी दुपारी साडे बारा वाजता त्यांनी बैंकेतुन 50 हजार रुपये काढले. त्यानंतर पैसे पिशवीत ठेवून ते कुमठेकर रस्त्याने त्यांच्या घरी निघाले होते. ते चितळे बंधू मिठाईवाले दुकानाजवळ आले, तेव्हा काही जणानी त्यांच्यासमवेत चालण्याचा प्रयत्न केला. त्याचवेळी एकाने त्यांची दिशाभूल करण्याचा प्रयत्न करु , त्यांच्या नकळत हातातील पिशवीतील रक्कम काढली, त्यानंतर ते पसार झाले. आपल्या हातातील पैसे चोरुन नेल्याचे लक्षात येताच त्यांनी विश्रामबाग पोलिस ठाणे गाठुन फिर्याद दाखल केली. दरम्यान, पोलिसांनी घटनेचे गांभीर्य ओळखून तत्काळ तपासाला सुरुवात केली. मोठ्या प्रमाणात सीसीटीव्ही चित्रीकरण तपासून तांत्रिक विश्लेषण करुन सायंकाळी 6 वाजेपर्यंत 4 आरोपीना अटक केले. आरोपीनी याच पद्धतीने यापूर्वीही एक गुन्हा केला आहे. संबंधित टोळी नियोजनबद्धपद्धतीने असे गुन्हे करीत असल्याचे पोलिसांच्या निदर्शनास आले. दरम्यान, या प्रकरणात अटक केलेल्या आरोपीचे अन्य साथीदाराचा शोध पोलिसांकडुन सुरु आहे.या प्रकरणाचा तपास सहाय्यक पोलीस निरीक्षक तुकाराम निंबाळकर तपास करत आहेत.