पुणे - पोलिसांना आठ महिन्यांपासून गुंगारा देणाऱ्या कुख्यात आंदेकर टोळीतील एका सराईत गुन्हेगाराला गुन्हे शाखेच्या युनिट-एकने अटक केली. लष्कर परिसरातील सोलापूर बाजार येथील कॅनॉल रस्त्यावर ही कारवाई करण्यात आली..ओम गणेश नगरकर (वय २४, रा. यश रेसिडन्सी, हडपसर गाव) असे अटक केलेल्या आरोपीचे नाव आहे. पोलिसांनी दिलेल्या माहितीनुसार, बंडू आंदेकर, सोमनाथ गायकवाड व सूरज ठोंबरे टोळीतील गुन्हेगारांवर पोलिसांकडून बारीक लक्ष ठेवण्यात येत आहे..आरोपी ओम नगरकर हा सोलापूर बाजार परिसरात कॅनॉल भागात गुन्हा करण्याच्या उद्देशाने शस्त्रासह थांबल्याची माहिती पोलिस अंमलदार नीलेश साबळे व हेमंत पेरणे यांना मिळाली. त्यानुसार पोलिसांच्या पथकाने त्याला ताब्यात घेतले. त्याच्याकडून कोयता आणि एक मोबाईल जप्त करण्यात आला आहे. या प्रकरणी लष्कर पोलिस ठाण्यात गुन्हा दाखल करण्यात आला आहे..आरोपी ओम नगरकर हा समर्थ पोलिस ठाण्यात दाखल एका गंभीर गुन्ह्यात आठ महिन्यांपासून फरार होता. पोलिस निरीक्षक अजित जाधव, उपनिरीक्षक राहुल मखरे तसेच, पोलिस अंमलदार विनोद शिंदे, सिद्धेश्वर वाघमारे, सुहास डोंगरे, संदेश काकडे यांच्या पथकाने ही कारवाई केली. पुढील तपास लष्कर पोलिस करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
