एनडीए प्रवेशाच्या संधीचा लाभ मुलींनी घ्यावा - मार्शल गोखले

कोथरूड : मुलींसाठी एनडीएचे दरवाजे खुले झाले असून मुलींनी या संधीचा फायदा घ्यावा. संगणक प्रणाली व ड्रोन च्या क्षेत्रात मुली चांगल्या काम करु शकतात. असे मत निवृत्त एअर मार्शल भूषण गोखले यांनी व्यक्त केले. भारतीय जनता युवा मोर्चा यांच्यावतीने माजी राष्ट्रपती ए पी जे अब्दुल कलाम यांच्या जयंती निमित्त महेश विद्यालय प्रांगणात आयोजित "सफर विमानांची सफर हवाई दुनीयेची" या प्रदर्शानाचे उद्घाटन गोखले व महापौर मुरलीधर मोहोळ यांच्या हस्ते संपन्न झाले. त्यावेळी गोखले बोलत होते.

यांनी भारतरत्न डॉ. ए पी जे अब्दुल कलाम यांच्या पावलावर पाउल ठेवीत आजच्या पिढीने भारताच्या सरक्षंण क्षेत्रात कामगिरी करावी यासाठीच हे प्रदर्शन ठेवण्यात आले आहे असे आवर्जून नमूद केले गोखले म्हणाले की, भारतीय हवाई दल, सैन्य दला मध्ये भरती होण्यासाठी आतापासुन व्यायाम करण्यावर भर द्या. व्यावसायिक प्रशिक्षण घेऊन परिक्षांची तयारी करा. यशस्वी होण्यासाठी मानसिक दृष्ट्या सक्षम असणे गरजेचे असून कोणत्याही प्रकारच न्यूनगंड मनामध्ये बाळगु नये. युध्दाच्या वेळी हार आणि जित असते तिथे प्रथम किंवा द्वितीय क्रमांक नसतो त्यामुळे भविष्यात आपण विद्यार्थ्यानी अशी कामगिरी करावी ज्यामुळे आपल्या देशाचा विजयच झाला पाहीजे. मिसाईल क्षेत्रात भारताची कामगिरी दमदार आहे. आपला देश एके दिवशी शस्त्रास्त्रे, लढाउ विमानांच्या बाबतीत आत्मनिर्भर झालेला आपल्या दिसेल. संयोजक कोथरूड भाजपा युवा मोर्चा अध्यक्ष दुष्यंत मोहोळ यांनी स्वागत व प्रास्तविक केले.