सासवड शहरात मिरवणुक

सासवड शहर, ता. १ : सासवड (ता. पुरंदर) येथे मातंग नवनिर्माण सेनेचे संस्थापक अध्यक्ष म्हस्कू शेंडगे व संघटक आबासाहेब खवले यांच्या मार्गदर्शनाखाली शहरातून अण्णा भाऊ साठे यांच्या पुतळ्याची मिरवणूक काढण्यात आली. सकाळी ११ वाजता नवीन तहसील कचेरी येथून मिरवणुकीची सुरुवात पुणे जिल्हा परिषदेचे माजी सदस्य दत्ता झुरंगे व मराठा महासंघाचे जिल्हाध्यक्ष प्रशांत वांढेकर यांच्या हस्ते पुतळ्यास पुष्पहार अर्पण करून करण्यात आली.
मिरवणूक जयप्रकाश चौकात आल्यानंतर भाजपचे जिल्हा अध्यक्ष शेखर वढणे यांचे हस्ते अण्णाभाऊ साठे यांच्या पुतळ्यास पुष्पहार अर्पण करण्यात आला. यावेळी नारायणपूर येथील श्रीदत्त देवस्थानचे व्यवस्थापक भरत क्षिरसागर, पुणे जिल्हा युवा मोर्चा भाजप अध्यक्ष साकेत जगताप, माजी उपनगराध्यक्ष सुहास लांडगे, तालुका उपाध्यक्ष अमोल जगताप, माजी नगरसेवक संदीप राऊत, भाजप सासवड शहराध्यक्ष आनंद जगताप, अठरा पगड बारा बलुतेदार ट्रस्टचे अध्यक्ष अप्पासाहेब भांडवलकर, सचिव अतुल पवार, सल्लागार मंगेश गायकवाड, सासवड शहर अध्यक्ष सचिन वढणे आदी उपस्थित होते.