द्राक्ष भूषण पुरस्कारासाठी कृषिरत्न मेहेर यांची निवड

नारायणगाव, ता. २५: ग्रेप ग्रोवर्स फेडरेशन ऑफ इंडिया, पुणे आणि नॅशनल रिसर्च सेंटर फॉर ग्रेप्स्, पुणे यांच्या वतीने देण्यात येणाऱ्या द्राक्ष भूषण या राष्ट्रीय पुरस्कारासाठी कृषी विज्ञान केंद्राचे अध्यक्ष, कृषिरत्न अनिल घमाजी मेहेर यांची निवड झाली आहे.
ग्रेप ग्रोवर्स फेडरेशन ऑफ इंडिया, पुणे आणि नॅशनल रिसर्च सेंटर फॉर ग्रेप्स्, पुणे यांच्या वतीने रविवारी (ता. २७) सकाळी साडेनऊ वाजता विजयापूर (कर्नाटक) येथील बालमकर कनव्हेशन सभागृहामध्ये बेदाणा उत्पादन व प्रक्रिया - सद्यःस्थिती या विषयावर राष्ट्रीय चर्चासत्र आयोजित केले आहे. या वेळी होणाऱ्या कार्यक्रमात या पुरस्काराचे वितरण करण्यात येणार आहे. चर्चासत्राचे उद्‌घाटन माजी केंद्रीय कृषिमंत्री शरद पवार यांच्या हस्ते होणार आहे. कार्यक्रमाचे अध्यक्षस्थानी आमदार बनसगौडा आर. पाटील (यत्नाळ) असतील.
अनिल मेहेर हे कृषी पदवीधर असून मागील पन्नास वर्षापेक्षा अधिक काळ शेतकरी व शेती समृद्धीसाठी निरपेक्ष भावनेने कार्यरत आहेत.
इतर पुरस्कारार्थी ( कंसात विभाग) :विभाकर पाटील( कर्नाटक), महादेव चाकोते(सोलापूर),अशोक गायकवाड( नाशिक),जगन्नाथ म्हस्के( सांगली), सेंथिलकुमार(तामीळनाडू),स्व.कनका रेड्डी (आंध्र प्रदेश आणि तेलंगणा)
6922