माहूर येथे विद्युत पंप चोरट्यांना अटक

परिंचे, ता.४ : माहूर (ता. पुरंदर) येथे शेतकऱ्याच्या विहिरीमधील विद्युत पंपाची चोरी करून विक्री करणाऱ्या दोन जणांना सासवड पोलिसांनी अटक केली आहे. संदीप लक्ष्मण चव्हाण (वय ३०), साहिल सोमनाथ खोमणे (वय २५) अशी अटक केलेल्यांची नावे आहेत. तर शेतकरी रोहिदास लक्ष्मण जगताप यांनी फिर्याद दिली आहे. दरम्यान, माहूर जलाशयावर अनेक उपसा सिंचन योजना आहे. अनेक शेतकऱ्यांचे विद्युत पंप व तांब्याची तार असलेल्या केबल चोरी झाल्याच्या घटना आहेत या बाबत वारंवार पोलिसात तक्रारी दाखल केल्या असून माहूरजाई पाणी वापर संस्थेने उपाययोजना म्हणून सीसीटीव्ही कॅमेरे, रखवालदार ठेवले आहेत. मोटार चोरीच्या घटनेत अटक केलेले आरोपी हे माहूर ग्रामपंचायतीमधील दोन विद्यमान सदस्यांचे जवळचे नातेवाईक असल्याचे सांगितले जात आहे. पोलिस निरीक्षक ऋषिकेश अधिकारी यांच्या मार्गदर्शनाखाली विशाल जाधव व संदीप पवार पुढील तपास करत आहेत.