उंडवडी कडेपठार येथे १५० रोपांचे वृक्षारोपण

उंडवडी, ता. १ : उंडवडी कडेपठार (ता. बारामती) ग्रामपंचायतीच्या वतीने पिराचा माळ परिसरातील रस्त्याच्या कडेला वृक्षारोपण करण्यात आले. ग्रामस्थांच्या उत्स्फूर्त सहभागामुळे कार्यक्रम उत्साहात पार पडला. यावेळी उपमुख्यमंत्री अजित पवार यांचे विशेष कार्यकारी अधिकारी सचिन यादव, बाळराजे मुळीक, बारामती पंचायत समितीचे गटविकास अधिकारी किशोर माने, सरपंच रूपाली अजित जराड, ग्रामपंचायत सदस्य सचिन इंदलकर, रेखा कुचेकर, ग्रामसेवक अजिनाथ भोसले, तंटामुक्ती अध्यक्ष सुनील माकर, भैरवनाथ देवस्थान अध्यक्ष दत्तात्रेय जराड, सामाजिक कार्यकर्ते अजित जराड आदी उपस्थित होते. यावेळी इंडियन ख्रिसमस १०० व चिंच ५० रोपे असे एकूण १५० रोपांचे रोपण करण्यात आले. रोपांची उंची सुमारे १२ ते १५ फूट आहे. यंदा ग्रामपंचायतीतर्फे ४०० ते ५०० रोपे लावण्याचे उद्दिष्ट ठेवल्याची माहिती सरपंच जराड यांनी दिली.