पुणे - हनुमान टेकडीवर चोरट्यांनी महाविद्यालयीन युवतीला कोयत्याचा धाक दाखवून एक लाख रुपयांची सोनसाखळी हिसकावून नेली. या प्रकरणी डेक्कन पोलिसांनी चोरट्यांविरुद्ध गुन्हा दाखल केला आहे. .याबाबत एका युवतीने (वय १७) डेक्कन पोलिस ठाण्यात फिर्याद दिली आहे. शनिवारी (ता. ४) दुपारी दोन वाजण्याच्या सुमारास हा प्रकार घडला. पोलिसांनी दिलेल्या माहितीनुसार, ही युवती एका महाविद्यालयात शिक्षण घेत आहे. ती मित्रासह दुपारी सेनापती बापट रस्त्यावरील हनुमान टेकडी परिसरात फिरण्यास गेली होती. त्यावेळी चोरट्यांनी या दोघांना कोयत्याचा धाक दाखवून शिवीगाळ केली..युवतीला मारहाण करून चोरट्यांनी तिच्याकडील एक लाख रुपये किमतीची २० ग्रॅम वजनाची सोनसाखळी हिसकावून नेली. याबाबत युवतीने सोमवारी (ता. ६) डेक्कन पोलिस ठाण्यात फिर्याद दिली. त्यानुसार डेक्कन पोलिस ठाण्यात गुन्हा दाखल करण्यात आला आहे. वरिष्ठ पोलिस निरीक्षक गिरीषा निंबाळकर यांनी घटनास्थळी भेट दिली..टेकडी परिसरात सुरक्षेच्या उपाययोजना कराव्यात -शहरातील बोपदेव घाट, हनुमान टेकडी, वेताळ टेकडी, तळजाई टेकडीसह उद्यानांमध्ये नागरिक फिरण्यास जातात. हनुमान टेकडीसह अन्य टेकड्यांच्या परिसरात यापूर्वीही विद्यार्थी आणि नागरिकांना लुटण्याच्या घटना घडल्या आहेत. काही दिवसांपूर्वी बोपदेव घाटात महाविद्यालयीन तरुणीवर सामूहिक लैंगिक अत्याचार केल्याची घटना घडली होती..पोलिसांनी टेकड्यांच्या परिसरात सीसीटीव्ही बसविण्यासह सुरक्षेच्या उपाययोजना कराव्यात, अशी मागणी नागरिकांतून केली जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
