ITCच्या शेअर्सचा उच्चांक, एका महिन्यात 16 टक्के वाढ

ITC Shares : एफएमसीजी क्षेत्रातील आयटीसीच्या (ITC) शेअर्समध्ये सध्या दमदार वाढ होताना दिसत आहे. गुरुवारी इंट्रा-डेमध्ये आयटीसीच्या शेअर्सने ऑल टाईम हाय गाठला. गुरुवारी बीएसईवर 3 टक्क्यांच्या तेजीसह तो 394 रुपयांवर गेला. गेल्या एका महिन्यात त्याचे शेअर्स 16 टक्क्यांनी वधारले आहेत. कंपनीचे डिसेंबर तिमाहीचे निकाल उत्कृष्ट होते, ज्यामुळे ब्रोकरेज अजुनही या शेअरबाबत सकारात्मक आहेत.

चालू आर्थिक वर्षासाठी आयटीसीचे डिसेंबर तिमाहीचे निकाल चांगले ठरले. या कालावधीत कंपनीचा नफा 21 टक्क्यांनी वाढून 5031 कोटीवर पोहोचला आहे. त्याच वेळी कंपनीच्या ऑपरेशनमधून मिळणारा महसूल वार्षिक आधारावर 2.3 टक्क्यांनी वाढला आणि 16225 कोटीवर पोहोचला.

मजबूत व्हॉल्यूम रिकव्हरीमुळे सिगारेटचा व्यवसाय दरवर्षी सुमारे 17 टक्क्यांनी वाढला. त्याच वेळी एफएमसीजी महसूल 18 टक्क्यांनी वाढून 4841 कोटी झाला आहे. हॉटेल व्यवसायाचा महसूल 50 टक्क्यांनी वाढून 712 कोटी झाला आहे. कंपनीचा एबिटदा वार्षिक आधारावर 22 टक्क्यांनी वाढला आहे आणि तो 6223.2 झाला आहे. त्याच वेळी एबिटदा मार्जिन 600 बेसिस पॉइंट्सने वाढून 38.4 टक्के झाला आहे

आयटीसीच्या शेअर्समध्ये गेल्या 1 महिन्यात 15 टक्के वाढ झाली आहे. त्याच वेळी, गेल्या 6 महिन्यांत त्यांनी गुंतवणूकदारांना 24 टक्के परतावा दिला आहे. गेल्या वर्षभराबाबत बोलायचे झाले तर गुंतवणूकदारांना 85 टक्के नफा दिला आहे. तर गेल्या 20 वर्षांत त्यांनी तब्बल 2,186.89 टक्के परतावा दिला आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.