Royal Farmer : शेतकऱ्याचा नाद खुळा! 6 लाखाच्या गाडीवर जातोय दूध घालायला

आपण सर्वांनी आपल्या गावाच्या आसपास किंवा शहरात दूधवाला पाहिला असेल. तो गाडीवर येऊन आपल्याला दूध देऊन जातो. पण एखाद्या दूधवाल्या व्यक्तीला तब्बल ६ लाखांच्या गाडीवर दूध द्यायला आलेला पाहिलाय का? तुम्हाला विश्वास बसणार नाही पण हो हे खरं आहे. एका रॉयल शेतकऱ्याचा व्हिडिओ सध्या सोशल मीडियावर व्हायरल झाला आहे.

हेही वाचा - प्राचीन काळातली शस्त्रनिर्मिती कला....

सध्या एक व्हिडिओ व्हायरल होत असून त्यामध्ये एक तरूण तब्बल सहा लाख किंमत असलेल्या हार्ले डेविसन या गाडीवर दुधाच्या किटल्या लटकवून दूध घालायला जाताना दिसत आहे. हा व्हिडिओ सध्या व्हायरल होत असून अनेक नेटकऱ्यांनी शेतकऱ्यांचा नाद खुळा अशा प्रतिक्रिया व्यक्त केल्या आहेत.

दरम्यान, हा व्हिडिओ फरिदाबाद येथील असल्याची माहिती असून या गाडीच्या पाठीमागे गुर्जर असं लिहिलं आहे. अमित भदाना या इंस्टाग्राम अकाऊंटवरून हा व्हिडिओ शेअर करण्यात आला असून या व्हिडिओला २० लाख लोकांनी लाईक केलं आहे. तर अनेकांनी हा व्हिडिओ शेअर केला आहे.